Luka 24:47 - Bible Fulfulde Bénin New Testament

⁴⁷ Sey tuubu e yaafuye hakkeeji waajee himɓe lenyi fu, e inne makko, ɗum fuɗɗa diga *Urusaliima.

Luka 24:47 ပူးပေါင်းရင်းမြစ်များ

Matiye 28:19

Gam majjum jahee, gaɗee himɓe lenyi fu aahiiɓe am, gaɗee ɓe *batisi e inne *Baaba e *Ɓiɗɗo e *Ruuhu Ceniiɗo.

Matiye 3:2

«Tuubee, gam *Laamaare Alla faanake .»

Matiye 9:13

Jahee ekkitee ko haala kaa ɗo yiɗi wi'ugo: ‟Yurmeene nun jiɗumi, sadakaaji bane .”» Gam mi waray noddugo foonnitiiɓe, amma hakkeeɓe.

Luka 13:34

«*Urusaliima, Urusaliima, an baroowo annabiiɓe, e paɗɗoowo ɓe Alla liloy gam maa kaaƴe! De noy jiɗumi hawritingo sukaaɓe maa hande no gertogal hawritirta coppi mum ley biyeeɗe mum, amma on jiɗay ɗum!

Golle Lilaaɓe 10:43

Annabiiɓe fu batii haala makko, ‟wi'i goonɗinɗo mo fu heɓan yaafuye hakkeeji muuɗum sabbu inne makko”.»

Golle Lilaaɓe 11:18

No ɓe nani ka, ɓe jeeɗii, eɓe teddina Alla, eɓe bi'a: «Alla hokkii lenyi janani bo laawol tuubugo gam ɗi keɓa yonki.»

Golle Lilaaɓe 13:46

Den Pol e Barnabas bati e cuusal, wi'i: «Doole men arta batugo on haala Alla, amma no boppuɗon ka, kiitiɗon ko'e mooɗon on kaananaa yonki tabitiiki, jooni men jahan to lenyi janani.

Golle Lilaaɓe 2:38

Piyer toontii ɓe, wi'i: «Tuubee, moy mooɗon fu waɗanee *batisi e inne Yeesu *Almasiihu, gam keɓon yaafuye hakkeeji mon, den on keɓan dokkal Alla, kanŋal woni *Ruuhu Ceniiɗo.

Golle Lilaaɓe 20:21

Mi seedinii Yahuduuɓe e ɓe lenyi janani fu, ɓe tuubana Alla, ɓe goonɗina Joomiraawo meeɗen Yeesu Almasiihu.

Golle Lilaaɓe 26:18

gam bumtinaa ɓe, kogitaa ɓe e niwre, ɓe gara der jayŋol, ɓe burtoo e junŋo Ibiliisa, ɓe gara to Alla, ɓe keɓa yaafeego hakkeeji, ɓe keɓa joonne maɓɓe e himɓe Alla gam ɓe goonɗinii am.”»

Golle Lilaaɓe 26:20

Mi artii taw baajiimi himɓe Damas den ɓe *Urusaliima e ɓe Yahudiya fu. Ɓaawo mum tokkitiimi e himɓe ɓe lenyi janani, ɓe tuuba, ɓe bittaa to Alla, ɓe gaɗa golle kollitooje ɓe tuubii.

Golle Lilaaɓe 28:28

Pol wi'i kade: «Gam majjum, annee, faabuwe Alla lildaama ɓe lenyi janani, kamɓe ɓe kettinto!» [

Golle Lilaaɓe 3:19

To non tuubee, bittoon to Alla, heɓa hakkeeji mooɗon moytee,

Golle Lilaaɓe 4:12

Kisidam walaa e goɗɗo feere. Gam inne gom walaa e duniyaaru, kokkaane gam himɓe hisiniree.»

Golle Lilaaɓe 5:31

Kanko nyaamo Alla etti, waɗi mo hooreejo e kisinoowo, gam o waɗa himɓe Isira'iila tuuba, ɓe keɓa yaafuye hakkeeji.

Roma 5:20

Tawreeta Muusa warii gam hakke ɓeydoo. Amma to hakke ɓeydii, ɗon nun moƴƴere Alla ɓuri ɓeydaago.

Efesu 1:6

Gam majjum, en maantee, teddinen Alla gam moƴƴere makko ne o waɗani en, diga hokkugo en Ɓiyiiko jiɗaaɗo.

Efesu 3:8

Min ɓuri goonɗinɓe fu faanɗugo. E non, mi heɓii moƴƴere waajaago ɓe lenyi janani habaru jawdi gonuni der Almasiihu, ni faamataako.

Koloosi 1:27

Gam Alla e yiɗi anningo himɓe ɓe lenyi janani manŋu asiiri mum tedduɗo. Asiiri on woni, Almasiihu na'on der mooɗon. Kanko hokki on tammuwe heɓugo geɗu der tedduŋal Alla.

Yuhaana Aranol 2:12

Sukaaɓe am, mii winnana on gam hakkeeji mooɗon yaafaama gam inne Yeesu.