Luka 24:36 - Bible Fulfulde Bénin New Testament

³⁶ Ɓe keennyay batugo go Yeesu e hoore mum wari darii caka maɓɓe, wi'i ɓe: «Jam wonoo e mon!»

Luka 24:36 ပူးပေါင်းရင်းမြစ်များ

Matiye 10:13

To wuro ŋon e haanani ɗum, jam mooɗon naata der maggo. Amma to ŋo haananaa ɗum, jam mooɗon wittana on.

Marku 16:14

Ɓaawo mum o hollitanake aahiiɓe sappo e go'o, to ɓe nyaamata, o wooltani ɓe sabbu dullere goonɗinki maɓɓe e yoorugo ɓerɗe maɓɓe, gam ɓe jaɓay ka yi'uɓe mo seedii ɓaawo no o finti.

Luka 10:5

Wuro ŋo naatoton fu, bi'ee taw jam wona e wuro ŋon.

Yuhaana 14:27

Mii accana on jam, mii hokka on jam am. No duuniyaaru hokkirta bane kokkiranmi on. To ɓerɗe mooɗon biisoo, to on kulee.

Yuhaana 16:33

Mi batii on ɗum, gam keɓon jam der kawtal mooɗon e am. Oon gonii e ɓillaare der duuniyaaru. Amma tinnee, gam mi jaalike duuniyaaru.»

Yuhaana 20:26

No balɗe jeetati waɗi, aahiiɓe hawritii der suudu kade, Toma e wondi e maɓɓe. Dammuɗe fu e kullii, Yeesu suppiti hakkune maɓɓe, wi'i ɓe: «Jam wonana on!»

Golle Lilaaɓe 1:3

O wirnitanii ɓe hoore makko ɓaawo o tooraa, o hollitii ɓe e laabi ɗuuɗɗi oo wuuri. O wirnitanii ɓe hoore makko balɗe lasoy ɗiɗi, oo waajoo ɓe haala *Laamaare Alla.

Korintu Aranol 15:5

O hollitanake Piyer, ɓaawo majjum o hollitanii aahiiɓe sappo e ɗiɗo.

Korintu Aranol 15:7

Ɓaawo majjum, o hollitanake Yaakuuba, den go o hollitanii lilaaɓe fu.

Tesalonika Ɗiɗaɓol 3:16

Joomiraawo mo jam e hoore mum hokka on jam wakkati fu, e der noy fu. Joomiraawo wonda e mooɗon, on fu.

Kollitinki 1:4

Min Yuhaana nun winnani eklesiyaaji jeeɗiɗi tawaaɗi der leydi Asiya. Moƴƴere, e jam laatanoo on diga e Alla gonuɗo, e goonnooɗo, e garoowo. Ɗum laatanoo on diga e ruuhuuji jeeɗiɗi, gonuɗi yeeso kittaal *Laamaare makko.