Luka 24:19 - Bible Fulfulde Bénin New Testament

¹⁹ O ƴami ɓe o wi'i: «Ume nun waɗi?» Go ɓe toontii mo ɓe bi'i: «Ko tawi Yeesu Nasaratuujo laatinooɗo annabiijo mo baawɗe dow gaɗu e haala, yeeso Alla e yeeso himɓe fu.

Luka 24:19 ပူးပေါင်းရင်းမြစ်များ

Matiye 21:11

Jama'aare toontii, wi'i: «Yeesu annabiijo, mo Nasaratu, der leydi *Galili nun.»

Marku 1:24

wi'i: «Yeesu mo Nasaratu, ume faali maa e amen? A warii gam halkugo men na? Mii anni mo laatiɗaa, a laati nun ceniiɗo, ƴiwuɗo to Alla!»

Luka 24:18

Gooto maɓɓe bi'eteeɗo Keleyopas wi'i, mo: «An tan woni koɗo der Urusaliima mo annaa ko waɗi der balɗe ɗe!»

Luka 7:16

Ɓe fu, kulol nanŋi ɓe, ɓee teddina Alla ɓee bi'a: «Annabiijo mawɗo warii hakkune men! Alla warii wallugo himɓe mum!»

Yuhaana 3:2

Jemmaare gom o yahi to Yeesu, o wi'i ɗum: «Moodibbo, emen anni a laati nun baajotooɗo ƴiwuɗo to Alla, gam goɗɗo waawataa ko waɗi kaayeefiiji ɗi gaɗataa, to Alla wondaa e makko.»

Yuhaana 4:19

Debbo on wi'i mo: «Moodibbo, laaɓanii am, a laati nun Annabiijo.

Yuhaana 6:14

No himɓe yi'i kaayeefi ɗum Yeesu waɗi, ɓe bi'i: «Lalley, kanko woni Annabiijo bi'aaɗo e wara der duuniyaaru.»

Yuhaana 7:52

Ɓe bi'i mo: «An bo a Galilinkeejo na? Wiɗita Dewte, a yi'an walaa annabiijo ƴiwuɗo *Galili.» [

Golle Lilaaɓe 10:38

Oon anni no Alla suɓiri Yeesu Nasaratuujo, no o jippiniri e makko *Ruuhu Ceniiɗo, e baawɗe, no Yeesu woositorii nokkuuje fu e golla golle booɗɗe, e nyawta wonuɓe e jeyaagu *Seyɗan fu gam Alla e wondi e makko.

Golle Lilaaɓe 2:22

Onon Isira'iilaaɓe, kettinee haalaaji am ɗii: Yeesu mo Nasaratu laati nun mo Alla yerdii, kan waɗi o hokki mo baawɗe waɗugo haaynaareeji e kaayeefiiji caka mooɗon, hande no onon e ko'e mooɗon annirɗon ɗum.

Golle Lilaaɓe 7:22

Nunnun Muusa janŋiri annal Misirankeeɓe fu, o laatii gooduɗo baawɗe der haalaaji e gaɗuuji makko.