Luka 23:4 - Bible Fulfulde Bénin New Testament

⁴ Pilaatu bati hooreeɓe *Limaamiiɓe, e jama'aare wi'i: «Mi yi'ay gacce gom der neɗɗo oo.»

Luka 23:4 ပူးပေါင်းရင်းမြစ်များ

Matiye 27:19

Wakkati Pilaatu jooɗii e hiitoo, deekiiko lili goɗɗo, wi'a mo: «Taa naannu hoore maa der haala gorko mo walaa gacce oo, gam hanki mi toorake der koyɗool dow haala makko.»

Marku 15:14

Pilaatu ƴami ɓe wi'i: «Ko boni ume o waɗi?» Ɓe ɓeydi woolo e semme ɓe bi'i: «Tiggu mo dow *leggal palaaŋal!»

Luka 23:22

Pilaatu etti haala de tatawre wi'i ɓe: «Baadi bonni niye nun o waɗi? Min, mi yi'ay gacce dow makko accooje o waree. Mi accan o fiyee ɓocci, den mum mi yoofa mo.»

Yuhaana 18:38

Pilaatu ƴami mo: «Gooŋa, ume nun ɗon?» Ɓaawo o bati ka, o wurti kade, o tawoy *Yahuduuɓe yaasi, o wi'i ɓe: «Mi heɓay gacce baa goote ɗe nanŋiranmi gorko oo.

Golle Lilaaɓe 25:25

Min e hoore am, tawumi o waɗay goɗɗum ko foti warugo mo. Amma kanko e hoore makko o ƴamii haala makko yaaree to Kaysara laamiiɗo, mi resii lildugo mo to Kaysara.

Golle Lilaaɓe 3:13

Alla Iburahiima e Isiyaaku e Yaakuubu, Alla kaakiraaɓe meeɗen, teddini jaggiiɗo muuɗum Yeesu mo gattuɗon e juuɗe mawɓe leydi go jedduɗon mo yeeso Pilaatu, jiɗunooɗo yoofitingo mo.

Iburaninkeeɓe 7:26

Hooreejo *Limaamiiɓe hande oo ɗon nun haanani en. Oo laatii ceniiɗo, mo walaa gacce, ko soɓi fu walaa e makko. Oo seenniri e hakkeeɓe, o ɓantaama faa dow to ɓuri kammu towugo.

Piyer Aranol 1:19

On cooditiraama e ƴiiƴam *Almasiihu tedduɗam, Almasiihu nanduɗo e jawgiiri ni walaa elande, ni walaa tuuni.

Piyer Aranol 2:22

Daɗey o waɗay hakke, goɗɗo meeɗay ko nani fewre der hunnuko makko.

Piyer Aranol 3:18

Gam Almasiihu e hoore mum maayi de woore, sabbu hakkeeji ɓiɓɓe Aadama. Kanko poonnitiiɗo, o maayanii en enen woofuɓe gam o yaara en to Alla. Himɓe warii mo, amma *Ruuhu Ceniiɗo fintinii mo.