Luka 23:26 - Bible Fulfulde Bénin New Testament

²⁶ No ɓe jawtinta Yeesu, ɓe nanŋi neɗɗo gom mo Sirene, bi'eteeɗo Simon, e ƴiwoy debeeje. Ɓe doonini mo palaaŋal Yeesu, oo tokkini ɓe.

Luka 23:26 ပူးပေါင်းရင်းမြစ်များ

Matiye 5:41

To goɗɗo doolii maa doonanoɗaa ɗum doongal mum kuule ujuneere, roonana mo ŋal kuule ujune ɗiɗi.

Luka 14:27

Mo roonaaki palaaŋal mum tokkimmi, waawataa ko laatii aahiijo am.

Luka 23:25

O yoofitani ɓe maɓɓanooɗo gam hawre e barki neɗɗo mo ɓe jiɗi yoofee, amma o hokki ɓe Yeesu ɓe gaɗaa ko ɓe jiɗi.

Luka 9:23

O bati ɓe kade ɓe fu o wi'i: «To goɗɗo e yiɗi yaadugo e am, joomum acca miijanaago hoore mum, etta palaaŋal mum nyalaane fu, tokkanmi.

Golle Lilaaɓe 13:1

Annabiiɓe e janŋinooɓe e wonno der eklesiya Antiyokiya. Kamɓe woni Barnabas e Simeyon innitirteeɗo ɓaleejo e Lusiyus mo Sirene e Manahen, mawnidinɗo e *Eroodu hooreejo leydi, e Sol.

Golle Lilaaɓe 2:10

Firigiya e Panfiliya, Misira e weccoore Sirene der leydi Libiya. Woɓɓe meeɗen ƴiwii Roma,

Golle Lilaaɓe 6:6

Ɓe jaari ɓe yeeso lilaaɓe, ɓe jowi juuɗe dow maɓɓe, ɓe du'anii ɓe.

Golle Lilaaɓe 6:9

Amma woɓɓe der waajorde wi'eteene waajorde rinɗinaaɓe, e ƴiwɓe Sirene e Aleksandiriya e Silisiya e Asiya, ummii e yeddontira e Etiyen,