Luka 22:36 - Bible Fulfulde Bénin New Testament

³⁶ Den, o wi'i ɓe: «Amma jooni, gooduɗo ceede fu etta, non bo gooduɗo bogooru fu etta nu, mo walaa kaafahi fu, sippa toggoore mum soodira ki.

Luka 22:36 ပူးပေါင်းရင်းမြစ်များ

Matiye 10:10

To on jogee bogooru, ɗum bo toggooje ɗiɗi. To on ettee paɗe, ɗum bo sawru. Gam gollotooɗo e haani nyaama.

Luka 22:35

Den Yeesu wi'i ɓe: «No lilunoomi on on jogaaki ceede e bogooru e paɗe, on dullii goɗɗum na?» Ɓe toontii: «Men dullay goɗɗum.»

Luka 22:37

Gam mii bata on. Sey haala binnaaka kaa fu hebba dow am: ‟O lintaama hakkune waɗooɓe ko halli.” Ko bataa dow am fu hebban.»

Luka 22:38

Aahiiɓe makko wi'i mo: «Joomiraawo, nani ɗo kaafaaje ɗiɗi.» O toontii: «Heƴii.»

Yuhaana 15:20

Ciwtoree ko bi'unoo mi on: ‟Maccuɗo ɓurataa joomum.” To ɓe toorii am, ɓe tooran on onon bo. To ɓe gollirii haala am, ɓe golliran haala mooɗon.

Yuhaana 16:33

Mi batii on ɗum, gam keɓon jam der kawtal mooɗon e am. Oon gonii e ɓillaare der duuniyaaru. Amma tinnee, gam mi jaalike duuniyaaru.»

Tesalonika Aranol 3:4

No men gondunoo e mon, men ceedinii on men bi'i en keɓan tooraaji. Kanjum bo yottii, oon anni ka no wooɗi.

Piyer Aranol 4:1

*Almasiihu yarii bone der ɓannu muuɗum, onon bo goodee iri miilooji ɗin. Jaruɗo bone der ɓannu muuɗum seedi e hakke.