Luka 22:32 - Bible Fulfulde Bénin New Testament

³² Amma mi du'anake maa gam to goonɗinki maa heennya. An, to a wittoy to am, semmiɗin banniraaɓe maa.»

Luka 22:32 ပူးပေါင်းရင်းမြစ်များ

Matiye 18:3

wi'i: «E gooŋa batanmi on: to on baylitaaki laatiɗon hande sukahon petton, on naatoytaa der Laamaare Alla.

Matiye 26:75

Den Piyer siwtorii ka Yeesu batunoo ɗum, wi'i: «Go jakaraari jogga, a wi'an de tati a annaa am.» O wurtii yaasi, o wulli bojji kaaɗuɗi.

Marku 14:72

Den jakaraari joggi de ɗiɗawre, Piyer siwtori ko Yeesu wi'unoo ɗum: «Go jakaraari jogga laabi ɗiɗi, a wi'an de tati a annaa am.» O darii oo wulla.

Marku 16:7

Jooni kan, jahee, bi'ee aahiiɓe makko e, Piyer o ardoto on *Galili, ton ji'oton mo, hande no o wi'unoo on.»

Luka 8:13

Woɓɓe bo e nandi hande kaaƴe. Ɓe nanan haala kan, ɓe jaɓa ka e seyo. Amma, ɓe accataa ka waɗa ɗaɗi der maɓɓe, wakkati gooti tan ɓe goonɗinta, to toora yottake ɓe bitta ɓaawo.

Yuhaana 14:19

To ɓooyii seɗɗa, duuniyaaru nuu yi'ataa am kade. Amma onon, on ji'an am, gam mi buurɗo, onon bo on buuran.

Golle Lilaaɓe 3:19

To non tuubee, bittoon to Alla, heɓa hakkeeji mooɗon moytee,

Roma 8:32

Kanko, mo saloraaki Ɓiyiiko, amma o hokkitirii mo gam meeɗen en fu. Noy woni o hokkirtaa en ko o woodi fu e moƴƴere, diga e Ɓiyiiko?

Roma 8:34

Moy waawata ko doƴƴi ɓe kiita? Walaa! Yeesu *Almasiihu maayii gam maɓɓe. Ko ɓuri fu, o fintii, o na'on jooɗii nyaamo Alla, oo du'anoo en.

Timote Ɗiɗaɓol 2:18

Ɓe celii laawol gooŋa. Ɓe accii woɓɓe woppi goonɗinki mum e wi'ugo pintol maayɓe waɗii yawtii.

Titus 1:1

Ɗerewol ŋol ɗo ƴiwii e am, min Pol, maccuɗo Alla e lilaaɗo Yeesu *Almasiihu. Alla yowanii am mi waɗa suɓaaɓe makko goonɗina mo. O yowanii am anningo ɓe gooŋa jaadooha e goonɗinki men.

Iburaninkeeɓe 12:15

Kakkilee gam to goɗɗo ɗawu hoore mum moƴƴere Alla, to o laatoo hande ɗaɗol kaaɗuŋol bilitoowol e raaɓoo ɗuuɓɓe kaaɗuɗum mum, e laawa ɓe.

Iburaninkeeɓe 7:25

Gam majjum, o waawan hisingo no haaniri ɓattiiɓe Alla diga e makko, gam oo wuuri e baadey, oo eelana ɓe Alla.

Piyer Aranol 1:1

Min Piyer lilaaɗo Yeesu *Almasiihu winnani on, onon ɓe Alla suɓi laatiiɓe hoɓɓe e sankitii der leyɗe ɗee ɗo: Pontus e Galaatiya e Kapadosiya e Asiya e Bitiniya.

Piyer Aranol 1:13

Gam majjum accee hakkillo mon e fini, jogee ko'e mon, jowee tammuwe mooɗon fu dow moƴƴere ne Alla hokkata on nyaanne Yeesu *Almasiihu suppitoytoo.

Piyer Aranol 1:5

O reenirii on e baawɗe makko gam on goonɗinii mo. O reenii on gam o hokka on kisidam ciriyiiɗam hollitaago der wakkati cakitiiki.

Piyer Ɗiɗaɓol 3:14

Gam majjum, onon banniraaɓe am yiɗaaɓe, tinnee laatoɗon ɓe galaa gacce, e tuuni yeeso Alla. Goodee jam der kawtal mon e makko, oon keɗorii nyalaane nen.

Yuhaana Aranol 2:19

Caka men ɓe ƴiwi, amma e gooŋa ɓe laataaki ɓe meeɗen. Gam to ɓee laatino ɓe men, ɓe gondanno e meeɗen. Amma ɓe accii en gam ɗum hollita no ɓe fu, ɓe laataakino ɓe meeɗen.