17 Himɓe fu wanyan on gam inne am.
Himɓe fu wanyan on gam am. Amma munyuɗo faa heennyitirde, joomum hisinte.
Den himɓe wattan on e juuɗe woɓɓe gam tooreɗon, bareɗon. Lenyi fu wanyan on gam inne am.
Barke laatanii on, to himɓe yennii on, toorii on, takki on gaccee baaɗey fu, sabbu am.
Himɓe fu wanyan on gam sabbu am. Amma munyuɗo faa timmoode, hisan.»
Saareeji mon, e rindaaɓe mon, e wondaaɓe mon, e banniraaɓe mon fu jammoto on, ɓe baran woɓɓe mon.
Amma baa gaasayel hoore mon gootel halkataa.
Barke laatanii on, to himɓe wanyii on, ɓee diiwa on, ɓee jenna on, ɓee biisa inɗe mooɗon, ɗum ɗon fu gam *Ɓii neɗɗo.
To oon laatinoo ɓe duuniyaaru, duuniyaaru yiɗanno ko mum. Amma onon ɓe duuniyaaru bane. Min seenni on e duuniyaaru, no cuɓumi on. Gam majjum nu wanyi on.
Amma ɓe gaɗanan on ɗum ɗum fu gam am, gam ɓe annaa liluɗo am.
Mi janŋinii ɓe haala maa, go duuniyaaru wanyi ɓe, gam ɓe duuniyaaru bane, hande no mi laatoraaki mo duuniyaaru.
Himɓe duuniyaaru waawataa ko wanyi on, amma min, ɓee banyimmi gam mii seedoo golle maɓɓe wooɗaa.
Mi hollan mo min e hoore am jaka o toorortoo gam am.»
Kanjum acci mii seyoroo tampe, e jennooje, e caɗeele e tooraaji e ɓillaaje fu, gam Almasiihu. Gam wakkati tampumi, den nun keɓammi semme.
Menen wuuruɓe, wakkati fu der hunnuko maayde men gonii gam Yeesu, heɓa yonki makko yi'ee der ɓalli amen maayooji.
Haala amen bane men baajotoo, ko men baajotoo woni batu Yeesu Almasiihu, Joomiraawo meeɗen. Menen, men laatake maccuɓe mooɗon sabbu makko.
On kokkaama moƴƴere goonɗingo Almasiihu, kanjum tan bane, on kokkaama bo moƴƴere tooranaago mo,
To on jennaama gam inne Almasiihu, barke laatanto on, gam *Ruuhu tedduɗo, laatiiɗo Ruuhu Alla e wondi e mooɗon.
Aa woodi munyal, a toorake gam inne am, amma a tampay.
