Luka 20:16 - Bible Fulfulde Bénin New Testament

¹⁶ «O waran o halka yowanaaɓe gesa ŋan, o yowana ŋa woɓɓe.» No jama'aare nani haala kan, ɓe bi'i: «To iri majjum laato!»

Luka 20:16 ပူးပေါင်းရင်းမြစ်များ

Matiye 21:34

No wakkati ɓorugo innabooje yottii, o lili gollotooɓe makko to reeninaaɓe gesa, ɓe gaddanaa mo geɗu makko der ɓiɓɓe innabooje ɗen.

Matiye 21:41

Ɓe toontii mo, ɓe bi'i: «O halkan reenuɓe halluɓe ɓen halkere naawune. Den o hokkan woɓɓe gesa ŋan, waɗa haya, baawooɓe ko hokki mo geɗu makko, to wakkati ɓorol ɓiɓɓe fotii.»

Matiye 22:7

Mone laamiiɗo ummii puy. O lili soogeeji makko yaha halkaa himɓe ɓen, wuuɗa ci'e maɓɓe.

Marku 12:9

Jooni noo, noy jom gesa on waɗata? O waran, o halka gollooɓe ɓen, o yowana gesa ŋan woɓɓe juuɗe.

Luka 19:27

Wayɓe am ɓe jiɗaa mi laamanoo ɗum, gaddee ɓe ɗo yeeso am, kiison ɓe.”»

Luka 20:15

Go ɓe bari mo, ɓe etti ɓe boppi yaasi gesa.» Ume nun jom gesa ŋan waɗanta ɓe?

Golle Lilaaɓe 13:46

Den Pol e Barnabas bati e cuusal, wi'i: «Doole men arta batugo on haala Alla, amma no boppuɗon ka, kiitiɗon ko'e mooɗon on kaananaa yonki tabitiiki, jooni men jahan to lenyi janani.

Roma 11:1

Mii wi'a: Alla woppu nun himɓe muuɗum na? O woppay ɓe! Gam min bo mi laati nun Isira'iilaajo, taaniraawo Iburahiima, mi ƴiwii e lenyol Benyamin.

Roma 11:11

Den, mii ƴama: *Yahuduuɓe fergi nun gam ɓe jana e baadey na? Aawo! Amma sabbu fergaago maɓɓe, ɓe lenyi janani heɓii kisidam gam nawniraagu Yahuduuɓe umminiree.

Roma 3:31

Den fu, en moytan nun tawreeta gam en goonɗinii na? Abada! En moytataa ka, amma een tabbitina ka!

Roma 3:4

Waɗataako! Ɗum annitinte no Alla laati nun gooŋaajo, himɓe fu bo e laatii fewooɓe. Gam e winnii: «A annitinte aa laatii poonnitiiɗo diga e haala maa, to a hiitaama, a jaaloto.»

Roma 3:6

Aawo nun nun bane, Gam to non non nun, noy Alla hiitortoo duuniyaaru?

Roma 6:15

Ume kade? En tokkoto nun waɗugo hakke gam der moƴƴere nun gonuɗen hinaa der tawreeta na? Ɗum waɗataako!

Roma 6:2

Waɗataako! Gam dow wecco hakke, en maayii. Noy kade buurirten der majje?

Roma 7:13

Jooni, ko wooɗi laatanike am maayde na? Abada! Amma gam hakke hollitoo no ɗe laati nun hakke e gooŋa, ɗe gollirii ko wooɗi, go ɗe barimmi. Hande non, diga e umuroore, hakke heɓi hollitiri hallande mum fu.

Roma 7:7

Den, ume bi'eten kade? Tawreeta laati nun hakke na? Abada! Amma, diga e tawreeta nun annirmi ko woni hakke. Gam mi annataano ko woni suuno to tawreeta wi'ayno: «Taa suuna.»

Roma 9:14

Den, ume bi'eten? Ko Alla waɗata foortaaki na? Abada!

Korintu Aranol 6:15

E gooŋa, on annaa ɓalli mooɗon laati nun jokkulal gootal der ɓannu *Almasiihu na? Den, e haani mi etta jokkulal Almasiihu mi laatina jokkulal jeenoowo na? Waɗataako!

Galaatiya 2:17

Emen daarta laatineego foonnitiiɓe der kawtal amen e Almasiihu. Der majjum, to tawaama men hakkeeɓe nun, den Almasiihu laati nun gollantooɗo hakke na? Abada!

Galaatiya 3:21

Den, tawreeta luudontiran nun e alkawal Alla na? Aawo! To tawreeta waawanno ko hokki yonki, den fu e gooŋa neɗɗo laatinteno poonnitiiɗo diga e tawreeta.

Galaatiya 6:14

Min kan, mi jurortaako goɗɗum to hinaa leggal Joomiraawo meeɗen Yeesu Almasiihu palaaŋal. Diga e maggal duuniyaaru tiggaa gam am, min bo tiggaami gam mayru.