Luka 2:46 - Bible Fulfulde Bénin New Testament

⁴⁶ Ɓaawo balɗe tati, ɓe tawi mo der suudu Alla oo jooɗii hakkune *moodiɓɓe tawreeta e mawɓe. Oo hettinii ka ɓe batata, oo ƴama ɓe ƴanɗe.

Luka 2:46 ပူးပေါင်းရင်းမြစ်များ

Matiye 12:40

Yonas waɗii nyaloomaaje tati e jemmaaje tati der reedu linŋol manŋol. Hande non bo *Ɓii neɗɗo waɗirta nyaloomaaje tati e jemmaaje tati der leydi.

Matiye 16:21

Diga wakkati mum, Yeesu fuɗɗi faamingo aahiiɓe mum wi'i e haani o yaha *Urusaliima. Ton dottiiɓe e *limaamiiɓe, e *moodiɓɓe tawreeta tooroyta mo puy, ɓe bara mo. Amma nyalaane tatawre, o fintan.

Luka 2:47

Hettinaniiɓe mo fu haaynaare nanŋi ɗum, gam annal e toonti makko.

Luka 5:17

Nyalaane gom, Yeesu e janŋina, go *Farisaaɓe e *moodiɓɓe tawreeta e jooɗi. Ɓe ƴiway maa diga e ci'e *Galili e Yahudiya e *Urusaliima, go baawɗe Joomiraawo e hollitoo e makko, e nyawta ɓe.

Yuhaana 3:10

Yeesu toontii mo: «An, moodibbo Isira'iila mawɗo, a annaa ɗum?

Golle Lilaaɓe 5:34

*Farisaajo, bi'eteeɗo Gamaliyel, janŋinoowo tawreeta Muusa, tedduɗo e yeeso himɓe fu, ummii darii hakkune *dawrooɓe wi'i lilaaɓe wurtiinee seɗɗa.

Timote Aranol 1:7

Ɓee jiɗi laataago moodiɓɓe tawreeta, amma ɓe paamataa ka ɓe batata, e ka ɓe tabbitinta.