Luka 2:38 - Bible Fulfulde Bénin New Testament

³⁸ Wakkati mum debbo on bo wurtoy wari e maanta Alla, e bata heɗiiɓe Alla faaboo *Urusaliima haala suka on.

Luka 2:38 ပူးပေါင်းရင်းမြစ်များ

Marku 15:43

Kiikiiɗe mum, Yusufu mo Arimatiya wari, o laati nun mawɗo, tedduɗo caka dawriine *Yahuduuɓe, kanko bo oo heɗinoo garki *Laamaare Alla. Kan waɗi o suusi o yahi to Pilaatu, o eeli o hokkee ɓannu Yeesu.

Luka 1:68

«Barke laatanii Joomiraawo Alla Isira'iila, gam o hiinnake himɓe makko, o hisinii ɓe.

Luka 2:25

Gorko gom e tawano *Urusaliima, inne makko nun Simeyon. Gorko poonnitiiɗo nun, kulɗo Alla. Oo hettiniino garoowo moyta gonɗi Isira'iilaaɓe. *Ruuhu Ceniiɗo e woni dow makko.

Luka 2:36

Annabiijo debbo gom bi'eteeɗo Ana e tawaa ɗon, ɓii Fanuyel nun, mo lenyol Aser, o naywii booɗum. Der gataanaaku makko o ɓaŋaanomaa waɗi duuɓi jeeɗiɗi.

Luka 23:51

O nootaakino ka horiiɓe makko resi, e ko ɓe gaɗi, o laati nun neɗɗo Arimatiya, der leydi *Yahuduuɓe, oo heɗiino garki *Laamaare Alla.

Luka 24:21

Emen miijuno kanko nun woni teetannooɗo Isira'iilaaɓe. Amma dow majjum, hanne nyalaane tatawre nun ɗo diga ko huune nen laatii.

Korintu ɗiɗaɓol 9:15

Yettoore laatanoo Alla gam dokkal makko ɓuruŋal bataneego!

Efesu 1:3

Yettoore laatano Alla, laatiiɗo *Baaba Yeesu *Almasiihu Joomiraawo meeɗen. Gam kawtal meeɗen e Almasiihu, o barkiɗinii en e hokkugo en barke ruuhunkeeje feere feereeje, ƴiwuɗe dow kammu.