Luka 2:14 - Bible Fulfulde Bénin New Testament

¹⁴ «Tedduŋal wonanii Alla towuɗo, jam dow leydi wonanoo himɓe ɓe o yiɗi.»

Luka 2:14 ပူးပေါင်းရင်းမြစ်များ

Matiye 21:9

Ardiiɓe Yeesu, e tokkinɓe mo ɓaawo fu, e hulgina e wi'a: «*Hosana, *Ɓii Dawda! Barke laatanoo garoowo e inne Joomiraawo! *Hosana Joomiraawo mo dow kammu!»

Luka 1:79

Ŋol yaynana jooɗiiɓe der niwre e der ɗoogi maayde, ŋol yaara koyɗe meeɗen der laawol jam.»

Luka 19:38

Ɓee bi'a: «Barke laatanoo laamiiɗo garoowo e inne Joomiraawo! Jam tawee dow kammu, tedduŋal laatanoo Alla towuɗo.»

Luka 2:13

Ɗon maa ɗon, malaykaaɓe konunkeeɓe dow kammu ɗuuɓɓe suppitoy, wari hawti e malaykaajo on, ɓee jetta Alla ɓee bi'a:

Luka 2:15

No malaykaaɓe acci ɓe, witti dow, go durooɓe ɓen batontiri hakkune mum wi'i: «En jahu Baytilaama daaren ko waɗi, ko Joomiraawo annini en.»

Luka 3:22

*Ruuhu Ceniiɗo jippii dow makko hande ɓannu tantabaraaru, go daane gom nanaa dow kammu e wi'a: «An woni *Ɓiɗɗo am jiɗaaɗo, mo ceyoriimi.»

Yuhaana 14:27

Mii accana on jam, mii hokka on jam am. No duuniyaaru hokkirta bane kokkiranmi on. To ɓerɗe mooɗon biisoo, to on kulee.

Yuhaana 17:4

Mi teddinii maa e duuniyaaru, mi hebbinii golle ɗe kokkuɗaa am mi golla.

Yuhaana 3:16

Gam Alla yiɗii duuniyaaru sanne faa hokki Ɓiɗɗo mum bajjo, gam goonɗinɗo mo fu to halku, amma heɓa yonki tabitiiki.

Golle Lilaaɓe 10:36

Alla lildi ɓiɓɓe Isira'iila haala, o waajii ɓe habaru jam diga e Yeesu *Almasiihu, laatiiɗo Joomiraawo himɓe fu.

Roma 5:1

En laatinaama foonnitiiɓe gam en goonɗinii. Jooni jam waɗii hakkune meeɗen e Alla, sabbu Joomiraawo meeɗen Yeesu *Almasiihu.

Efesu 1:6

Gam majjum, en maantee, teddinen Alla gam moƴƴere makko ne o waɗani en, diga hokkugo en Ɓiyiiko jiɗaaɗo.

Efesu 1:9

Geetaaku makko acci o annini en asiiri sago makko, ko o resuno waɗugo diga fuɗɗoode diga e Almasiihu.

Efesu 2:4

Amma enɗam Alla walaa kaddi, o yiɗii en e yidde mawne.

Efesu 2:7

O waɗii ɗum gam o hollita en geetaaku makko. Jaamanuuji garooji fu yi'an manŋu moƴƴere makko ne foonnirtaake goɗɗum. O waɗanii en ne gam een kawti e Yeesu Almasiihu.

Filippi 2:11

kade bo himɓe fu batan wi'a, Yeesu *Almasiihu woni Joomiraawo, gam inne Alla *Baaba teddinee.

Filippi 2:13

Gam Alla e hoore mum nun gollata der mooɗon, faa jiɗon ko weli mo, gaɗon ɗum bo.

Koloosi 1:20

E *Almasiihu nun o weldiniri huune fu e makko, ko woni dow kammu, e ko woni der leydi fu. O waddii jam, sabbu ƴiiƴam Almasiihu deƴƴitiiɗam dow *leggal palaaŋal.

Tesalonika Ɗiɗaɓol 2:16

Joomiraawo meeɗen Yeesu *Almasiihu e hoore mum, e Alla *Baaba meeɗen, jiɗuɗo en, hokkii en moƴƴere mum e jam tabitiiɗo, e tammuwe wooɗune.

Kollitinki 5:13

Den nanumi ko tagaa fu, gonuɗum dow kammu, e dow leydi, e der leydi, e der maayo, e ko woni der majjum fu, e wi'a: «Maantoore, e manŋu, e tedduŋal, e baawɗe woodani jooɗiiɗo dow kittaal laamu, e Jawgiyel, faa abada!»