Luka 19:17 - Bible Fulfulde Bénin New Testament

¹⁷ O wi'i mo: ‟Wooɗii, gollotooɗo geeto, gam a laatake koolaaɗo der huune pettum, laamana ci'e sappo.”

Luka 19:17 ပူးပေါင်းရင်းမြစ်များ

Matiye 25:21

Joomiiko wi'i mo: ‟Golle maa wooɗii sanne, an gollotooɗo geeto, koolaaɗo. No a laatike koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!”

Luka 16:10

Laatiiɗo koolaaɗo dow huune pettum, laatoto bo koolaaɗo dow huune mawɗum, mo laataaki poonnitiiɗo dow huune pettum, laatataako poonnitiiɗo der huune mawɗum.

Luka 19:16

Arano wari, wi'i: ‟Joomiraawo, ceede maaɗa ɗen riibake ceede goɗɗe sappo.”

Luka 19:18

Gollotooɗo ɗiɗaɓo wari kanun bo, wi'i: “Joomiraawo, ceede maaɗa ɗen riibake ceede goɗɗe kanje joy.”

Luka 22:30

Den mum, on nyaaman, jaron, jooɗoɗon dow kittaal laamaare am, kiitoɗon lenyi Isira'iilaaɓe sappo e ɗiɗi.»

Roma 2:29

Yahuduujo e gooŋa, woni laatiiɗo ɗum diga der. Juulnol gooŋakuwol bo woni ŋol Ruuhu waɗata der ɓerne, hinaa ŋol tawreeta waɗata. Iri Yahuduujo on, Alla nun manata ɗum, himɓe bane.

Korintu Aranol 4:5

Gam majjum, to on kiitee goɗɗo ko wakkati yottoo, keɗee faa Joomiraawo wara. Kanko wurtinta ko suuɗii der niwre, o hollita ko woni der ɓerɗe himɓe. Nyalaane majjum, moy fu heɓan yettoore kaananne mo to Alla.

Timote Ɗiɗaɓol 2:10

Gam majjum munyanmi huune fu, sabbu suɓaaɓe Alla heɓa kamɓe bo, Yeesu Almasiihu hisina ɓe, ɓe keɓa tedduŋal makko tabitiiŋal.

Piyer Aranol 1:7

Tooraaji ɗin nun foonnata goonɗinki mon. Hande no kanŋeeri ni tabitintaako lootirtee der yiite, hande non goonɗinki mon ɓuruki kanŋeeri saman faa to woɗɗi, foonnirtee, ki heɓan maanteego, e tedduŋal, e manŋu, nyaanne Yeesu *Almasiihu suppitoytoo.

Piyer Aranol 5:4

To Duroowo mawɗo yottake, on meelete meetalol tedduŋal ŋol hiiɗɗataa.