Luka 19:12 - Bible Fulfulde Bénin New Testament

¹² Gam majjum o waɗani ɓe ballool ŋol ɗo o wi'i: «Neɗɗo gom mo lenyol tedduŋol nun yahi genni boɗɗuni gam o laamo, ɓaawo mum, o warta.

Luka 19:12 ပူးပေါင်းရင်းမြစ်များ

Matiye 21:38

Amma no reeninaaɓe gesa yi'i mo, ɓe bi'ontiri hakkune maɓɓe: ‟Kanko woni donoowo gesa ŋan. Garee baren mo, donen ŋa!”»

Matiye 28:18

O ɓattii, o wi'i ɓe: «Mi hokkaama baawɗe dow kammu e leydi fu.

Marku 12:1

Ɓaawo mum Yeesu fuɗɗi baddugo e maɓɓe e ballaaji, o wi'i: «Neɗɗo gom nun aawi gesa *innabooje mum, o fiiltini ka kowaagol, o wasi gayka ɓiɗɗirka innabooje, o mahi suudu towkol, deenirkol. Ɓaawo mun, o reenini ka woɓɓe, o waɗi jahaaŋal.

Marku 16:19

Ɓaawo no Yeesu Joomiraawo baddi e maɓɓe, o eencinaa dow kammu, o jooɗii nyaamo Alla.

Luka 20:9

Ɓaawo mum, Yeesu waɗani himɓe ballool ŋol ɗo wi'i: «Goɗɗo nun aawi innabooje mum, o yowani ɗe woɓɓe junŋo, o yawti genni, gam o ɓooyaa ton.

Luka 24:51

Wakkati o barkiɗinta ɓe, o seenniri e maɓɓe, o ettaa dow kammu.

Yuhaana 18:37

Den Pilaatu wi'i mo: «To nunnun a laamiiɗo nun?» Yeesu wi'i mo: «Hande no bi'uɗaa, mi laamiiɗo nun. Mi rimaama, mi warii bo e duuniyaaru gam mi seedanoo gooŋa. Jiɗɗo gooŋa fu, nanan haala am.»

Golle Lilaaɓe 17:31

gam o resii nyalaane ne o hiitotoo duuniyaaru e poonnitaaki, o hiitodoo nu e neɗɗo mo o suɓi. O hollii himɓe fu ɗum laati nun gooŋa no o fintini neɗɗo on e maayde.»

Korintu Aranol 15:25

Gam doole Almasiihu laamoo faa to Alla wattii wayɓe makko ley teppe makko.

Iburaninkeeɓe 9:28

Hande non bo, Almasiihu sakkii hoore mum de woore tan gam o ikkina hakkeeji himɓe ɗuuɓɓe. O suppitoyto de ɗiɗawre, hinaa gam hakke, amma gam o hisina hettiniiɓe mo.

Piyer Aranol 3:22

Kanko, o eencii dow kammu, oo jooɗi nyaamo Alla. Malaykaaɓe e mawɓe, e wooduɓe baawɗe fu, e ɗowtanii mo.

Kollitinki 1:7

Daaree, oo warida e duulere. Himɓe fu yi'an mo, baa yuwunooɓe mo, lenyi duuniyaaru fu simoto gam makko. Ɗum laatoo hande non! Aami .