Luka 18:13 - Bible Fulfulde Bénin New Testament

¹³ Jaɓoowo ceede faada on bo darii woɗɗi, o yiɗay baa ɓantugo gite o daara dow, amma o leesini hoore makko, o wi'i: «Yaa Alla, yurmam min laatiiɗo hakkeejo.»

Luka 18:13 ပူးပေါင်းရင်းမြစ်များ

Matiye 10:3

Filippu e Bartolome, Toma e Matiye *jaɓoowo ceede faada. Yaakuuba ɓii Alfee, e Taddee.

Matiye 6:5

«To oon du'oo, to on gaɗee hande no munaafitiiɓe waɗata. Kamɓe ɓee jiɗa du'aago e darorii der cuuɗi *baajorɗi, e ate cele, gam himɓe fu yi'a ɓe. E gooŋa batanmi on, ɓe keɓii riiba maɓɓe ko.

Matiye 9:13

Jahee ekkitee ko haala kaa ɗo yiɗi wi'ugo: ‟Yurmeene nun jiɗumi, sadakaaji bane .”» Gam mi waray noddugo foonnitiiɓe, amma hakkeeɓe.

Marku 11:25

De dariɗon gam gaɗon du'aare fu, to oon goodi gokka e goɗɗo, jaafee mo, gam *Baaba mooɗon gonɗo dow yaafanoo on boofi mooɗon. [

Luka 17:12

No o naatata ci'el gom, sesseɓɓe sappo fotti e makko, ɓe darii woɗɗi.

Luka 22:41

O woɗɗodii ɓe seɗɗa hande jaka faɗɗande hayre, o jiccii oo du'oo,

Luka 23:48

Jama'aare warunoone gam daara huune ɗum, no ɓe ji'i ko waɗi, ɓe kogitii, ɓe bitti e ɓerɗe biisiiɗe.

Luka 5:8

No Simon Piyer yi'i ɗum, o jiccii yeeso Yeesu, o wi'i: «woɗɗam Joomiraawo, gam mi laati nun hakkeejo.»

Golle Lilaaɓe 2:37

No ɓe nani ka, ɓerɗe maɓɓe taƴi, ɓe ƴami Piyer e lilaaɓe horiiɓe, ɓe bi'i: «Banniraaɓe, noy men gaɗata?»

Roma 5:8

Amma Alla hollitii en yidde mum. Gam Almasiihu maayanii en wakkati laatinoɗen hakkeeɓe.

Korintu ɗiɗaɓol 7:11

Daaree ko biisere ɓerne hande no Alla yiɗiri waddani on: Ne waddanii on gaɗuɗon law ko haani gaɗon, eeluɗon yaafuye. Ɗum ellinake on, ɗum hunnii on, on kaaɓii yi'ugo am. Ɗum waddanii on anniya hiitaago boofuɗo on. Der huune fu, on kollii oon laaɓi dow batu kan.

Timote Aranol 1:15

Haala kooliniika nani, kaanuka himɓe fu jaɓa: Yeesu Almasiihu warii e duuniyaaru gam hisingo hakkeeɓe. Mii laatii arano caka maɓɓe.

Iburaninkeeɓe 4:16

Gam majjum, en ɓattee kittaal *Laamaare Alla ŋal moƴƴere e hoolaare, gam keɓen enɗam, e moƴƴere, de gooduɗen bukaata ballal fu.

Iburaninkeeɓe 8:12

Gam mi yaafoto boofi maɓɓe, mi siwtortaa kade hakke maɓɓe .»