Luka 17:30 - Bible Fulfulde Bénin New Testament

³⁰ Non non nun ɗum laatortoo der nyalaane ne Ɓii neɗɗo suppitoytoo.

Luka 17:30 ပူးပေါင်းရင်းမြစ်များ

Matiye 16:27

Gam *Ɓii neɗɗo waran e tedduŋal *Baaba mum, e *malaykaaɓe mum. Den o yoɓan moy fu ko waɗi der golle mum.

Matiye 24:3

Yeesu yahi jooɗoy dow waanne wi'eteene waanne Jaytuuje, den aahiiɓe makko wari kamɓe tan, ƴami mo, wi'i: «Batu men dey nun ɗum waɗata. Maane ney nun hollitinta garki maa e keennyol duuniyaaru?»

Matiye 24:37

Hande no ɗum laatino der jaamanu Nuuhu, hande non garki *Ɓii neɗɗo bo laatoto.

Matiye 24:39

Ɓe miijanaaki ɗum, faa ilam tufaana wari halki ɓe ɓe fu. Hande non garki Ɓii neɗɗo bo laatorto.

Matiye 26:64

Yeesu toontii mo, wi'i: «A batii ka. Ka batanmi woni: Diga jooni, on ji'an *Ɓii neɗɗo e jooɗii nyaamo Jom Baawɗe, o waran diga dow kammu.»

Marku 13:26

Den ɓe ji'an *Ɓii neɗɗo e wara der duule e baawɗe mawɗe, e tedduŋal .

Luka 17:24

Hande no maaƴƴere maaƴƴirta weccoore kammu nee ɗo faa nee to, nonnon nun *Ɓii neɗɗo laatoytoo der nyalaane o wittoyta.

Luka 17:29

Amma nyalaane Luudu wurtii diga Sodoma, yiite e kibiriita toɓii diga dow kammu halki ɓe ɓe fu.

Luka 21:22

Gam nyalaaɗe ɗen laati nun nyalaaɗe wattaago, heɓa ko dewte batunoo fu hebba.

Luka 21:27

Den mum, on ji'an *Ɓii neɗɗo e wara der duula e baawɗe mawɗe, e tedduŋal.

Korintu Aranol 1:7

Kanjum acci on dullay dokkal Alla baa gootal, oon keɗorii Joomiraawo meeɗen Yeesu Almasiihu wittaa.

Korintu Aranol 1:8

Kanko semmiɗinta on faa heennyitirde, gam laatoɗon ɓe walaa gacce der nyalaane wittoygo makko.

Koloosi 3:4

To Almasiihu laatiiɗo yonki mooɗon suppitoyke, on cuppitinto e makko onon bo e tedduŋal.

Tesalonika Ɗiɗaɓol 1:7

Onon toorootooɓe, o hokkan on siwtaare e amen. Ɗum laatoto to Joomiraawo meeɗen Yeesu gonuɗo dow kammu suppitoyke e malaykaaɓe mum ɓe baawɗe.

Piyer Aranol 1:13

Gam majjum accee hakkillo mon e fini, jogee ko'e mon, jowee tammuwe mooɗon fu dow moƴƴere ne Alla hokkata on nyaanne Yeesu *Almasiihu suppitoytoo.

Piyer Aranol 1:7

Tooraaji ɗin nun foonnata goonɗinki mon. Hande no kanŋeeri ni tabitintaako lootirtee der yiite, hande non goonɗinki mon ɓuruki kanŋeeri saman faa to woɗɗi, foonnirtee, ki heɓan maanteego, e tedduŋal, e manŋu, nyaanne Yeesu *Almasiihu suppitoytoo.

Piyer Aranol 4:13

Amma to oon kawti e *Almasiihu der toora mum, ceyee oon belbelta booɗum to tedduŋal makko suppitoyke.

Yuhaana Aranol 2:28

Jooni kan onon sukaaɓe am, tabitee der kawtal mon e *Almasiihu, gam keɓen cuusal daraago yeeso makko nyaanne o suppitoy, heɓa daɗen senteene nyalaane garki makko.

Yuhaana Aranol 3:2

Yiɗaaɓe am, jooni en laatake ɓiɓɓe Alla. Ko laatoytoɗen laaɓay taw. Amma een anni to *Almasiihu wittoy holliti hoore mum, en nandan e makko, gam en ji'an mo hande no o wa'i.

Kollitinki 1:7

Daaree, oo warida e duulere. Himɓe fu yi'an mo, baa yuwunooɓe mo, lenyi duuniyaaru fu simoto gam makko. Ɗum laatoo hande non! Aami .