Luka 17:16 - Bible Fulfulde Bénin New Testament

¹⁶ O jicci ley koyɗe Yeesu, oo yetta mo. Neɗɗo on laati nun samariyaajo.

Luka 17:16 ပူးပေါင်းရင်းမြစ်များ

Matiye 10:5

Yeesu lili aahiiɓe mum sappo e ɗiɗo, bati ɓe haalaaji ɗii ɗo, wi'i: «To on jahee to heeferɓe, to on naatee bo der siire *Samariyaaɓe.

Matiye 2:11

Ɓe naati der wuro, ɓe ji'i sukayel e inna mum, Mariyama. Ɓe jiccii, ɓe cujidani ŋel. Ɓe pitti gineeji maɓɓe, ɓe kokkori ŋel kanŋeeje, e wardi buuɗeteeɗum, e ɗacce luuttooje, bi'eteeɗe miir.

Marku 5:33

Go debbo on e diwna sabbu kulol gam oo anni ko o waɗi, o wari o jiccii yeeso makko o bati mo gooŋa laaɓuka.

Luka 17:17

Go Yeesu wi'i: «Ɓe fu sappo bane yoofii na? Toy jeenayo horiiɓe woni?

Luka 5:8

No Simon Piyer yi'i ɗum, o jiccii yeeso Yeesu, o wi'i: «woɗɗam Joomiraawo, gam mi laati nun hakkeejo.»

Yuhaana 4:9

Debbo on wi'i Yeesu: «Ee, noy an *Yahuduujo, eelirtaa am diyam jaraa, min samariyaajo debbo?» Nani bo potal walaa hakkune Yahuduuɓe e Samariyaaɓe.

Yuhaana 5:23

gam himɓe fu teddina Ɓiɗɗo hande no teddiniri Baaba. Neɗɗo fu mo teddinay Ɓiɗɗo, teddinay Baaba liloyɗo mo.

Yuhaana 8:48

*Yahuduuɓe wi'i mo: «Men batay gooŋa no men bi'i a laati nun samariyaajo, aa woodi bo ginnool na?»

Golle Lilaaɓe 1:8

Amma to *Ruuhu Ceniiɗo jippake e mooɗon, on keɓan semme makko, on laatoto seedeeɓe am der *Urusaliima e der leydi Yahudiya fu, e Samariya, e faa keeddin leydi.»

Korintu Aranol 14:25

Miilooji ɓerne makko cuuɗiiɗi wurtinte, den o jiccoo, o sujidana Alla, o wi'a: «E gooŋa, Alla e wondi e mooɗon.»

Kollitinki 19:10

Jicciimi ley koyɗe makko, gam mi sujidana mo, amma o wi'immi: "Taa waɗu ɗum! Min bo, mi gollantooɗo Alla nun hande maa, e hande banniraaɓe maa jogiiɓe seedaaku Yeesu. Sujidan Alla!" Gooŋa ka Yeesu holliti, kanka nun hokki annabiiɓe haala ka ɓe bati dow makko.

Kollitinki 4:10

De ɗum waɗata ɗum fu, *dottiiɓe laso e nayo ɓen e jiccoo yeeso jooɗiiɗo dow kittaal laamu, ɓee cujidana yonkinteejo faa abada, ɓee paɗɗa meetali maɓɓe yeeso kittaal laamu, ɓee bi'a:

Kollitinki 5:14

Huune nayum yonkintejum ɗum, toontii, wi'i: «Aami!» *Dottiiɓe ɓen bo jiccii, sujidi.