Luka 17:1 - Bible Fulfulde Bénin New Testament

¹ Yeesu batii aahiiɓe mum wi'i: «Ɗum waɗataako laabi doƴƴere waray, amma bone laatanto laatiiɗo daliila majjum.

Luka 17:1 ပူးပေါင်းရင်းမြစ်များ

Matiye 16:23

Yeesu yeeƴitii, wi'i Piyer: «An *Seyɗan, wittu ɓaawo am! A laati nun ko doƴƴatammi. Miilooji maa ƴiway to Alla, to himɓe ɗi ƴiwi!»

Matiye 18:7

Bone laatanii duuniyaaru nuu, gam woodi ko doƴƴata himɓe der hakke. Waɗataako ko doƴƴata himɓe waray, amma bone laatanto laatiiɗo daliila majjum!

Luka 16:31

Amma Iburahiima wi'i mo: “To ɓe kettinanaaki Muusa e annabiiɓe, ɓe jaɓataa baa to maayɓe gooto mum fintii.”»

Roma 14:13

Gam majjum, en accee gaccontirgo. Ko haani gaɗen woni accen resango banniraaɓe ko ferginta ɓe, ɓe jana.

Roma 16:17

Banniraaɓe, nani ɗo ko eelanmi on: kakkilanee waddooɓe ceennirgu caka mon. Kamɓe ɓee darta selingo on diga ekkitinol ŋol keɓuɗon. Boɗɗodee ɓe!

Korintu Aranol 10:32

To on laatanee *Yahuduuɓe e Yunaninkeeɓe e eklesiya Alla fergere.

Korintu Aranol 11:19

Haani du ceenniigu laatoo caka mooɗon, gam heɓa gooŋaaɓe wurtoo e mooɗon.

Korintu Aranol 8:13

Gam majjum to nyaamdu nun doƴƴata banniraawo am, mi ƴakkataa kade tew abada, gam to mi doƴƴu mo.

Timote Aranol 4:1

*Ruuhu Ceniiɗo batii e laaɓuɗum wi'i: Der jaamanuuji cakitiiɗi, woɓɓe woppan goonɗinki. Ɓe ɗowtanto ruuhuuji majjinooji, e ekkitinooje ginnaaji.

Kollitinki 2:14

Amma mii woodi ko pelan maa mi: Aa woodi woɓɓe tokkuɓe ekkitinol Balaama. Balaama ekkitiniino Balak waɗa no himɓe Isira'iila yanirta. O acca ɓe ƴakka tew caafiraaɗum tooruuje, ɓe gaɗa jeenu bo.

Kollitinki 2:20

Amma woodi ko pelan maa mi. Aa acci Ijabeeli, debbo bi'oowo hoore mum annabiijo. Oo janŋina, oo jarboo gollotooɓe am, gam ɓe gaɗa jeenu, ɓe ƴakka tew caafiraaɗum tooruuje.