Luka 16:24 - Bible Fulfulde Bénin New Testament

²⁴ Go o halɓi o wi'i: “Yaa baaba am Iburahiima, yurmam, lilu Lasar tumma sera kollel mum der diyam, wara feewinanammi ɗenŋal am, gam mii tooroo sanne der yiite ŋe.”

Luka 16:24 ပူးပေါင်းရင်းမြစ်များ

Matiye 25:41

Ɓaawo majjum, o wi'an wonuɓe junŋo makko nano: ‟Dillee woɗɗi am, onon ya'aaɓe! Naatee der yiite tabitiiŋe, desanaaŋe Ibiliisa e malaykaaɓe mum!

Matiye 3:9

To on miilee e ɓerɗe mooɗon bi'on: ‟Iburahiima nun woni maama amen!” Gam mii wi'a on, Alla e waawi waylitingo kaaƴe, ɗe laatoo ɓiɓɓe Iburahiima!

Matiye 5:22

Amma min, mii wi'a on, jogoriiɗo banniraawo mum mone fu, hiitete. Bi'uɗo banniraawo mum: ‟A walaa hoore,” joomum yaarete yeeso hiitorde mawne. Bi'uɗo banniraawo mum ‟A haaŋa nun,” o wattete der yiite jahannama.

Luka 16:30

Jom ceedeejo on wi'i: “Aawo baaba am Iburahiima, to goɗɗo yahii to maɓɓe diga to maayɓe, ɓe tuuban.”

Luka 19:9

Yeesu wi'i mo: «Kisidam naatii der wuro ŋo hanne, gam neɗɗo oo laati nun bo mo lenyol Iburahiima.

Luka 3:8

Accee kolliton diga e gaɗuuji mon no on baylitake on tuubii, to on bi'ee der ɓerɗe mon: ‟Iburahiima woni baaba amen.” Gam mii bata on e gooŋa. Alla tampataa ko etti kaaƴe ɗee ɗo, tagirana Iburahiima ɓiɓɓe.

Yuhaana 4:10

Yeesu toontii mo, wi'i: «To aa annunoo no dokkal Alla foti, e moy wi'i maa: “Hokkoram diyam, mi yara!” an nun eelatano mo, o hokkee diyam yonki.»

Yuhaana 4:14

amma jarɗo diyam ɗam kokkanmi ɗum, ɗonɗataake faa abada. Gam diyam kokkanmi ɗum, laatanto ɗum ɓuldude diyam kokkoojam yonki tabitiiki.»

Yuhaana 7:37

Nyalaane sakitiineere der juulɗe ɗen ɓuri teddugo. Nyaanne mum, Yeesu darii, bati e daane towne, wi'i: «Neɗɗo fu ɗonɗaaɗo wara to am, yara.

Roma 4:12

O laatake bo baaba juulniiɓe. Ɓe daroraaki juulnol tan nun batananmi, amma tokkuɓe laawol goonɗinki maama meeɗen Iburahiima, diga o juulnaaki.

Tesalonika Ɗiɗaɓol 1:8

Nyalaane majjum, o suppitinto der ɗenŋal yiite, gam o fooɗa noppi ɓe annaa Alla, e ɓe ɗowtanaaki *linjiila Joomiraawo men Yeesu.

Yaakuuba 2:13

Mo walaa enɗam, Alla enɗataa ɗum. Amma enɗam jaaloto kiita.

Yaakuuba 3:6

Ɗenŋal bo laati nun hande yiite, eŋal lomii der ɓannu, eŋal hawriti boneeji fu, eŋal soɓina ɓannu fu. E yiite jahannama ŋal huɓɓiraa eŋal sunnya gonki meeɗen fu.

Kollitinki 19:20

Bisaa ŋan nanŋaa maɓɓaa, kanŋa e annabiijo pewoowo gaɗunooɗo haaynaareeji yeeso magga. E haaynaareeji ɗin o jammoriinoo wooduɓe maane bisaa, e sujidanooɓe foto magga. Ɓe fu ɗiɗo, ɓe paɗɗaa e yonki der maayo yiite kuɓɓoowe, e kibiriita.

Kollitinki 20:15

Neɗɗo mo inne mum winnaaka der dewtere yonki, faɗɗaama der maayo yiite.

Kollitinki 22:1

Ɓaawo majjum, malaykaajo hollimmi maayo diyam yonki. Diyam ɗam e laaɓi hande daanorgal. Maayo ŋon e ƴiwa diga kittaal laamu Alla, e *Jawgiyel.