Luka 16:23 - Bible Fulfulde Bénin New Testament

²³ Der nokkuure joonne maayɓe o yahi oo tooro, go o ɓanti gite, o holliri Lasar e woni ley Iburahiima.

Luka 16:23 ပူးပေါင်းရင်းမြစ်များ

Matiye 11:23

An bo Kafarnahum, aa miili a towinte faa dow kammu na? Aawo! A leesinte faa der joonne maayɓe. Gam haaynaareeji gaɗaaɗi der maa, to ɗi gaɗaanomaa der Sodoma, maa siire nen na'onno faa hanne.

Matiye 18:9

To bo itere maa nun waɗintee hakke, ɗoofu ne boppaa to woɗɗi. Ɗum ɓurante hoyugo naataa aljanna e itere woore, e no paɗɗirteɗaa e gite maa ɗiɗi der yiite jahannama.»

Matiye 23:33

Onon ɓiɓɓe bolle pure! Noy baawirton ko daɗi yiite jahannama?

Matiye 5:22

Amma min, mii wi'a on, jogoriiɗo banniraawo mum mone fu, hiitete. Bi'uɗo banniraawo mum: ‟A walaa hoore,” joomum yaarete yeeso hiitorde mawne. Bi'uɗo banniraawo mum ‟A haaŋa nun,” o wattete der yiite jahannama.

Matiye 5:29

Gam majjum, to itere maa nyaamoore nun laatantee daliila doƴƴere, ɗoofu ne, boppaa to woɗɗi! Ɗum ɓurante jokkulal ɓannu maa gootal halka, e no ɓannu maa fu naatirta der yiite jahannama.

Matiye 8:29

Ɓe darii ɓee bata e semme, ɓee bi'a: «An *Ɓiɗɗo Alla, ume jiɗuɗaa waɗugo men? A warii ɗo gam tooraa men diga wakkati waɗay na?»

Luka 16:24

Go o halɓi o wi'i: “Yaa baaba am Iburahiima, yurmam, lilu Lasar tumma sera kollel mum der diyam, wara feewinanammi ɗenŋal am, gam mii tooroo sanne der yiite ŋe.”

Luka 16:28

gam mii woodi ton miiraaɓe joyo, o yaha o seedina ɓe, gam kamɓe bo to ɓe garu der nokkuure toora ɗo.”

Luka 8:28

No o yi'i Yeesu, o huuɓi, o yani ley koyɗe mum o bati e semme o wi'i: «Ume jiɗuɗaa waɗango am, an Ɓiɗɗo Alla Towɗo? Mii sawrinee taa tooram!»

Korintu Aranol 15:55

Maayde, toy jaalorgal maa woni? Maayde, toy tooke maa woni?»

Piyer Ɗiɗaɓol 2:4

Baa malaykaaɓe waɗunooɓe hakke, Alla accay ɗum, o haɓɓii ɓe e callalluuji, o faɗɗi der niwre jahannama, faa nyalaane darŋal.

Kollitinki 20:10

Seyɗan jammotooɗo ɓe, faɗɗaa der maayo yiite e kibiriita, to bisaa e annabiijo pewoowo woni. Ɗon nun ɓe toorotoo jemma e nyalooma, faa abada.