Luka 16:2 - Bible Fulfulde Bénin New Testament

² Jom jawdiijo on noddi mo, wi'i: “Ume nun nananmi dow maaɗa? Hollam non noy nun gaɗirtaa golle maaɗa, gam diga hanne, a waawataa kade ko laatii kakkilanoowo jawdi am.”

Luka 16:2 ပူးပေါင်းရင်းမြစ်များ

Matiye 12:36

E gooŋa bi'anmi on: nyalaane darŋal himɓe toontoyto haalaaji baanji baanji ɗi ɓe bati fu.

Matiye 20:8

No kiikiiɗe waɗi, jom gesa on wi'i deenuɗo jawdi mum: ‟Noddu gollotooɓe ɓen, joɓaa moy fu ceede mum. Puɗɗiraa sakitiiɓe, keennyitiraa ardiiɓe.”

Luka 12:20

Amma Alla wi'i mo: ‟An mo walaa hakkillo! Jemmaare hanne, yonki ma ettete, den mum moy nun woodata ko desanɗaa hoore maa?”»

Luka 12:42

Joomiraawo toontii mo wi'i: «Moy nun laatii maccuɗo geeto mo hakkillo? Kanko woni mo jom wuro mum reeninta gollotooɓe horiiɓe, gam o seennana ɓe nafa der wakkati kaanuki.

Luka 16:1

Yeesu bati aahiiɓe mum wi'i: «Jom jawdiijo gom nun woodi gollotooɗo kakkilanoowo jawdi mum, go o bataa no gollotooɗo on halkan nun jawdi makko.

Luka 16:3

Go gollotooɗo on wi'i hoore mum: “Noy gaɗanmi, gam Joomiraawo am wurtinii am golle hakkilango jawdi mum. Mi remaa? Mi woodaa semme mum, mi fiyaa bara na? Aawo, senteene piiɗe bara bo e waɗammi.

Roma 14:12

Den moy meeɗen fu toontanto hoore mum yeeso Alla.

Korintu Aranol 1:11

Banniraaɓe am, mi nanii diga e getti wuro Kolowe, kaɓe tawaaɗe caka mooɗon.

Korintu Aranol 4:2

Ko yiɗaa yi'ee dow yowaanaaɓe golle woni ɓe gaɗa golle ɗe ɓe jowanaa e hoolaare.

Korintu Aranol 4:5

Gam majjum, to on kiitee goɗɗo ko wakkati yottoo, keɗee faa Joomiraawo wara. Kanko wurtinta ko suuɗii der niwre, o hollita ko woni der ɓerɗe himɓe. Nyalaane majjum, moy fu heɓan yettoore kaananne mo to Alla.

Korintu ɗiɗaɓol 5:10

Doole en fu daroɗen yeeso hiitorde *Almasiihu, moy fu heɓa riiba ko waɗunoo der duuniyaaru, geetum naa bo kalluɗum.

Timote Aranol 4:14

Taa yeeba dokkal moƴƴere ŋal keɓuɗaa. A heɓii ŋal diga e annabaaku, wakkati *dottiiɓe eklesiya yowi juuɗe mum dow maa.

Timote Aranol 5:24

Hakkeeji woɓɓe wurtitinto diga ɓe kiitaaka, ɗi woɓɓe bo wurtitoo ɓaawo ni.

Piyer Aranol 4:10

Baamoy mon heɓii dokkal Alla. Golliree ŋal gam nafon woɓɓe. Hande nun kollitirton oon gollira dokke moƴƴere feere feereeje ɗe Alla hokki on.

Piyer Aranol 4:5

Amma ɓe daroyto yeeso Alla, ciriyiiɗo hiitaago wuuruɓe e maayɓe, ɓe toontoto mo.

Kollitinki 20:12

Mi yi'ii maayɓe, mawɓe e petton e darii yeeso kittaal laamu. Dewte maɓɓitaa. Den dewtere wonne maɓɓitaa, kayre woni dewtere yonki. Maayɓe hiitaa hande no winniraa der dewte, moy fu jaka golle mum.