Luka 16:15 - Bible Fulfulde Bénin New Testament

¹⁵ Yeesu wi'i ɓe: «Oon gaɗa yeeso himɓe hande foonnitiiɓe, amma Alla e anni ɓerɗe mon. Gam ko himɓe teddinta, laati nun ko nyiddi yeeso Alla.

Luka 16:15 ပူးပေါင်းရင်းမြစ်များ

Matiye 23:5

Ko ɓe gaɗata fu, ɓee gaɗa ɗum gam himɓe yi'ana ɓe. Kanjum acci ɓee binna aayaaje dow laayaaji, ɓe kaɓɓa e tiiɗe, e dow came maɓɓe. Ɓee juutina sariiji toggooje maɓɓe.

Matiye 6:16

«To oon cuumoo, to on jurmikinee hande no munaafitiiɓe waɗata. Ɓee jiɓa geese maɓɓe gam himɓe annita ɓee cuumii. E gooŋa batanmi on, ɓe keɓii ko riiba maɓɓe.

Matiye 6:2

To non, to aa hokka sadaka, taa fiyu lenŋuru gam himɓe yi'ee. Non non nun munaafitiiɓe waɗata der cuuɗi *baajorɗi, e sera laabi. Ɓee gaɗa ɗum gam himɓe mana ɓe. E gooŋa batanmi on, ɓe keɓii ko riiba maɓɓe.

Matiye 6:5

«To oon du'oo, to on gaɗee hande no munaafitiiɓe waɗata. Kamɓe ɓee jiɗa du'aago e darorii der cuuɗi *baajorɗi, e ate cele, gam himɓe fu yi'a ɓe. E gooŋa batanmi on, ɓe keɓii riiba maɓɓe ko.

Luka 10:29

Amma moodibbo on yiɗi hokkugo hoore mum gooŋa, go o ƴami Yeesu o wi'i: «Moy woni banniraawo am?»

Luka 11:39

Amma Joomiraawo wi'i mo: «Onon Farisaaɓe, oon laaɓina ɓaawo jarirkon e ɓaawo keeɗe, amma der mooɗon, oon kebbi suuno, e guyka, e hallumaru.

Luka 18:11

Farisaajo on darii e du'oo der ɓerne mum e wi'a: ‟Yaa Alla, mi yettii maa gam mi laataaki hande no himɓe horiiɓe, laatiiɓe wuyɓe, ɓe laataaki foonnitiiɓe, waɗooɓe jeenu, mi yettii maa gam mi laataaki hande jaɓoowo ceede faada oo ɗo.

Luka 18:14

Mii wi'a on, kanko, o laatinaama poonnitiiɗo o hootiri wuro makko, amma Farisaajo on heɓay. Gam mawninɗo hoore mum fu leesinte, leesinɗo hoore mum bo mawninte.

Luka 18:21

Gorko on toontii mo wi'i: «Sariyaaji ɗii ɗon fu, mii jogii ɗum diga sukaaku am.»

Luka 18:9

Yeesu waɗi ballool ŋol ɗo kade gam miijuɓe e laatii foonnitiiɓe yeeso Alla, go ɓee jawoo woɓɓe.

Luka 20:20

Go ɓee kakkilani mo, ɓe lili himɓe woɓɓe nanditinɓe ko'e mum hande himɓe yeeɓɓe, gam ɓe keɓa ɓe nanŋa mo der haala makko, ɓe gatta der juuɗe hiitotooɓe e mawɓe genni.

Luka 20:47

Ɓee teeta ko rewɓe gowniiɓe woodi fu, ɓee gaɗa du'aaje juuɗɗe gam ɓe ji'ee. Ɓe keɓan kiita ɓurka mawnugo.»

Yuhaana 2:25

O bukaaka goɗɗo seedanoo mo ko woni e himɓe, gam oo anni ko woni der ɓerne neɗɗo.

Yuhaana 21:17

O wi'i mo kade: «Simon, ɓii Yuhaana, aa yiɗimmi na?» Piyer ɓerne mum biisii, gam o wi'i ɗum de tatawre: «Aa yiɗimmi na?» Piyer wi'i mo: «Joomiraawo aa anni huune fu, aa anni bo mii yiɗu maa.» Yeesu wi'i mo: «Duru baali am ɗii.

Golle Lilaaɓe 1:18

O soodii gesa e ceede ɗe o heɓiri e golle makko bonɗe. Ton o waritoyii, reedu makko futti, tetekki makko fu waylii.

Golle Lilaaɓe 1:24

Ɓe du'ii, ɓe bi'i: «Joomiraawo, an annuɗo ɓerɗe himɓe fu, faamin men mo cuɓuɗaa der ɗiɗo ɓee ɗo,

Golle Lilaaɓe 15:8

Alla annuɗo ɓerɗe himɓe, seedanake ɓe, no o hokki ɓe *Ruuhu Ceniiɗo hande no o hokkiri en.

Roma 3:20

Gam majjum, walaa laatinteeɗo poonnitiiɗo yeeso Alla e tokkugo tawreeta. Gam tawreeta hollan nun himɓe hakkeeji mum.

Roma 8:27

Alla annuɗo ko woni der ɓerɗe himɓe e anni ko Ruuhu yiɗi. No Alla yiɗiri bo, nun nun Ruuhu du'orantoo himɓe makko.

Korintu Aranol 4:5

Gam majjum, to on kiitee goɗɗo ko wakkati yottoo, keɗee faa Joomiraawo wara. Kanko wurtinta ko suuɗii der niwre, o hollita ko woni der ɓerɗe himɓe. Nyalaane majjum, moy fu heɓan yettoore kaananne mo to Alla.

Piyer Aranol 3:4

Accee ŋari mooɗon ƴiwa diga der ɓerɗe, ŋari ki heennyataa, kan woni hakkillo ɗigguŋo, e deƴƴuŋo, kanjum laatii ko teddi yeeso Alla.

Piyer Aranol 5:5

Onon gojankeeɓe ɗowtanee *dottiiɓe. On fu, ɓornee yakkinaare hande toggoore hakkune mon, gam e winnaa der Dewtere Ceniine: «Alla e haɓida mawnitiiɓe, amma ɓuytuɓe ko'e mum oo hokka ɓe moƴƴere makko.»

Kollitinki 2:23

Mi waran ɓiɓɓe makko. Eklesiyaaji fu annan min woni liinyoowo hakkillo e ɓerɗe. Mi yoɓan bo moy mooɗon fu ko waɗi.