Luka 15:8 - Bible Fulfulde Bénin New Testament

⁸ «Naa bo, debbo moy nun to e woodi ceede mum, kanje sappo, ko goote mum majji, o huɓɓataa fitilla, o wuuwa suudu, o daarta ɗe e hakkillo faa o yiita na?

Luka 15:8 ပူးပေါင်းရင်းမြစ်များ

Matiye 5:15

Fitilla bo huɓɓataake gam ka ommee gummal. Amma ka ɓilete dow to fitilla ɓiletee, gam ka yaynana wonuɓe der suudu fu.

Luka 15:7

Mii bata on, hande nun bo seyo laatorto dow kammu gam tuubuɗo gooto, ɓura himɓe lasooji nayo e sappo e jeenayo foonnitiiɓe, ɓe bukaaka tuubu.»

Luka 15:9

To o yiitii ɗe, o noddan igooɓe makko, e wondaaɓe makko, o wi'a: “Ceyodee am, gam mi yiitii ceede am majjunooɗe!”

Luka 19:10

Gam *Ɓii neɗɗo wari daartugo, hisina ko majji.»

Yuhaana 10:16

Mii woodi kade baali goɗɗi ɗi galaa der hoggo ŋo. Ɗii ɗon bo haani mi dura ɗum. Ɗi nanan daane am, ɗi laatoo darne woore, ɗi gooda duroowo gooto.

Yuhaana 11:52

Leydi nin tan bane haani o maayana, amma gam o hawrita ɓiɓɓe Alla sankitiiɓe fu laatoo jama'aare woore.

Golle Lilaaɓe 19:19

Ɗuuɓɓe waɗunooɓe dobo dobooje waddii dewte mum, wuli ɗe yeeso himɓe fu. Ceede majje liisaa tawaa foti ceede cardi ujunaaji lasoy ɗiɗi e sappo .

Efesu 2:17

Almasiihu warii fiinii habaru jam caka mooɗon, onon ɓe lenyi janani woɗɗinooɓe, e onon Yahuduuɓe ɓadinooɓe.