Luka 15:24 - Bible Fulfulde Bénin New Testament

²⁴ gam ɓiɗɗo am oo ɗo nandu nun hande maayunooɗo, go finti, o majjiino, amma o yiitaama. Ɓe puɗɗi seyaago.”

Luka 15:24 ပူးပေါင်းရင်းမြစ်များ

Matiye 8:22

Yeesu toontii mo, wi'i: «Tokkam, accu maayɓe uwa maayɓe mum.»

Marku 8:22

Ɓe jottii Baytisayda, Yeesu waddanaa bunɗo, ɓe eeli mo, o meema mo.

Luka 10:19

Nani, mi hokkii on baawɗe jaaɓon bolle e jahe e baawɗe ganyo fu, goɗɗum walaa ko toorata on.

Luka 15:23

Gaddee gaari payuni, kiison ni, nyaamen, ceyoɗen,

Luka 15:25

Wakkati mum suka afo e tawanoo deme. No o wartata o faanii wuro, go o nani rimmo jimi e fijo.

Luka 15:32

Gam majjum e haani gaɗen juulɗe, ceyoɗen, gam minya oo ɗo, nandu nun hande maayunooɗo ko finti, o majjiino, amma o yiitaama.”»

Luka 15:4

«Moy caka mooɗon, to e woodi baali hewre, ko goota majji, o majja ɗum, o accataa lasooji naay e sappo e jeenay koriiɗi der ladde, o yaha daartoygo majjuŋa ŋan, faa o yiita ŋa?

Luka 19:10

Gam *Ɓii neɗɗo wari daartugo, hisina ko majji.»

Luka 9:60

Yeesu toontii mo wi'i: «Accu maayɓe uwa maayɓe mum, an, yahu waaja habaru *Laamaare Alla.»

Yuhaana 11:25

Yeesu wi'i mo: «Min woni pintinoowo, min woni kokkoowo yonki. Neɗɗo fu goonɗinɗo am, baa to maayii, o wuuran.

Yuhaana 5:21

Gam hande no Baaba fintinirta maayɓe wuurina ɓe, nun Ɓiɗɗo bo wuurinirta mo yiɗi.

Roma 11:15

Takkeego maɓɓe sera weldini himɓe duuniyaaru e Alla. Noy ɗum laatotono to ɓe bittinaama? Ɗum nandan hande ƴiwugo diga maayde naata e yonki.

Roma 12:15

Ceyodee e seyotooɓe, bullidee e wullooɓe.

Roma 6:11

Hande non, onon bo, daaree ko'e mon hande maayuɓe dow wecco hakke, den buuranon Alla sabbu Yeesu Almasiihu.

Roma 6:13

To on kokkee hakke jokkule ɓalli mooɗon ɗe gaɗira ko foonnitaaki. Amma kokkee Alla ko'e mooɗon. On maayiino, jooni oon buuri. To non kokkee mo jokkule mooɗon, ɗe laatoo gaɗirɗum ko foonnitii.

Roma 8:2

Gam tawreeta *Ruuhu e hokka yonki to goɗɗo hawtii e Yeesu Almasiihu. Kanka rinɗinimmi diga tawreeta hakke, e maayde.

Korintu Aranol 12:26

To jokkulal gootal e naawee, ɗe fu ɗe nana naawɗum e maggal. To jokkulal gootal teddinaama, ɗe fu ɗe maata welwelo e maggal.

Efesu 2:1

Onon, on maayiino gam boofi mooɗon e hakkeeji mooɗon.

Efesu 2:5

Gam majjum, enen maayunooɓe sabbu boofi men, o fintidinii en e *Almasiihu. E gooŋa, gam moƴƴere Alla kisuɗon.

Efesu 5:14

Huune ko wurtii fu, laatoto jayŋol. Gam majjum acci e wi'ee: «Finu e ɗoyŋol maa, an ɗaaniiɗo! Umma hakkune maayɓe, *Almasiihu yaynante jayŋol mum.»

Koloosi 2:13

Onon, on maayiino gam boofi mooɗon, e gam on juulnaaki. Amma Alla wuuridinii on e Almasiihu, yaafi boofi meeɗen fu.

Timote Aranol 5:6

Amma gowniijo daartoowo welwelo, laati nun maayɗo baa to emo foofa.

Yahuuda 1:12

Kamɓe woni e soɓina nyaamdu kawtal mooɗon. Ɓe galaa senteene, ɓee nyaama hande bisaaji. Ko'e maɓɓe tan ɓe paalaa. Ɓee nandi hande duule ɗe hennu ɓottata, ɗe galaa diyam. Ɓee nandi hande leɗɗe ceeɗu, ɗe galaa ɓikkol, e hande leɗɗe ɗoofaaɗe, yoori.

Kollitinki 3:1

"Winnan malaykaajo eklesiya Sardis, bi'aa: Nani ɗo haalaaji gooduɗo ruuhuuji Alla jeeɗiɗi, e koode jeeɗiɗi: Mii anni golle maa, aa wi'ee aa buuruɗo, amma a maayɗo.