Luka 13:32 - Bible Fulfulde Bénin New Testament

³² Yeesu toontii ɓe wi'i: “Jahee batee dondonɗeeru nun, mi na'on riiwa ginnaaji, mii nyawta nyawɓe, hanne e jaaŋo, nyalaane tatawre, mi heennyan golle am.

Luka 13:32 ပူးပေါင်းရင်းမြစ်များ

Marku 6:14

*Eroodu, laamiiɗo, nani haala Yeesu e batee, gam inne Yeesu walaa fu to yahay. Woɓɓe e wi'a Yuhaana gaɗoowo *batisi nun finti, kan waɗi oo woodi baawɗe waɗugo haaynaareeji.

Yuhaana 10:32

Yeesu wi'i ɓe: «Mi waɗii yeeso mooɗon golleeji booɗɗi ɗuuɗɗi e baawɗe *Baaba. Der golleeji ɗin, ɗiye e majji jiɗanɗon warirgo am kaaƴe?»

Yuhaana 19:30

No Yeesu ɓiccininoo innabojam ɗam, o wi'i: «Ɗum fu ɗum hebbii!» O jimminii, o maayi.

Iburaninkeeɓe 2:10

Ɗum fottanii Alla taguɗo huune fu, e mo gam mum huune fu woni, yaara himɓe ɗuuɓɓe ɓe keɓa tedduŋal. Ɗum fottanii mo bo, o yottina Yeesu maɓɓitinɗo laawol kisidam, o laato kebbuɗo diga e tooraaji.

Iburaninkeeɓe 5:9

Alla laatinii mo kebbuɗo, gam majjum o laatanii ɗowtaniiɓe mo fu daliila kisidam tabitiiɗam.

Iburaninkeeɓe 7:28

Tawreeta Muusa suɓiino hooreeɓe Limaamiiɓe laatiiɓe himɓe tampuɓe. Amma hunayeere Alla warune ɓaawo tawreeta, jooɗinii *Ɓiɗɗo laatiiɗo kebbuɗo faa abada.