Luka 12:9 - Bible Fulfulde Bénin New Testament

⁹ Amma bi'uɗo annaa am yeeso himɓe, Ɓii neɗɗo bo wi'an annaa joomum yeeso malaykaaɓe Alla.

Luka 12:9 ပူးပေါင်းရင်းမြစ်များ

Matiye 10:33

Amma caliiɗo am yeeso himɓe fu, min bo, mi saloto joomum yeeso Baaba am gonuɗo dow kammu.»

Matiye 25:12

Amma o toontii ɓe, o wi'i: ‟E gooŋa batanmi on, mi annaa on.”

Matiye 25:31

«To *Ɓii neɗɗo warii e tedduŋal mum e *malaykaaɓe fu, o jooɗoto dow kittaal laamaare makko ŋal tedduŋal.

Matiye 25:41

Ɓaawo majjum, o wi'an wonuɓe junŋo makko nano: ‟Dillee woɗɗi am, onon ya'aaɓe! Naatee der yiite tabitiiŋe, desanaaŋe Ibiliisa e malaykaaɓe mum!

Matiye 7:23

Wakkati mum, mi toontoto ɓe: ‟Mi annaa on abada. Boɗɗee am, onon waɗooɓe ko halli!”»

Marku 8:38

Neɗɗo fu centuɗo am, e haala am yeeso hakkeeɓe ɓee ɗo, accuɓe Alla, min, *Ɓii neɗɗo bo, mi sentan joomum to mi wardii e malaykaaɓe seniiɓe der tedduŋal baaba am.»

Luka 15:10

Mii bata on, non non nun bo malaykaaɓe Alla seyorto to hakkeejo gooto tuubii.»

Luka 22:57

Amma Piyer yeddi mo wi'i: «Debbo, mi annaa mo.»

Luka 9:26

To goɗɗo sentii am e haala am, Ɓii neɗɗo bo sentan joomum to waroy der tedduŋal mum e ŋal *Baaba, e ŋal malaykaaɓe seniiɓe.

Timote Ɗiɗaɓol 2:12

To en munyanii tooraaji, en laamodoto e makko bo, to en calike mo, kanko bo o saloto en.

Yuhaana Aranol 2:23

Jedduɗo Yeesu laati nun Ɓiɗɗo, walaa Baaba, jaɓuɗo Ɓiɗɗo, e woodi Baaba bo.

Yuhaana Aranol 2:28

Jooni kan onon sukaaɓe am, tabitee der kawtal mon e *Almasiihu, gam keɓen cuusal daraago yeeso makko nyaanne o suppitoy, heɓa daɗen senteene nyalaane garki makko.

Kollitinki 3:8

Mii anni golle maa. Daaru, mi maɓɓitii dammugal yeeso maa ŋal goɗɗo waawataa ko maɓɓi. A woodaa baawɗe mawɗe, amma a jogake haala am, a yedday inne am.