Luka 12:5 - Bible Fulfulde Bénin New Testament

⁵ Mi hollan on kaanuɗo kulon. Kanko woni ɓaawo o wari, e woodi baawɗe wattugo der yiite jahannama. E gooŋa batanmi on, kanko nun haani kulon.

Luka 12:5 ပူးပေါင်းရင်းမြစ်များ

Matiye 10:28

To on kulee warooɓe ɓannu, ɓe baawataa ko wari yonki. Amma, kulee baawoowo ko halki ɓannu e yonki fu der yiite jahannama.

Matiye 25:41

Ɓaawo majjum, o wi'an wonuɓe junŋo makko nano: ‟Dillee woɗɗi am, onon ya'aaɓe! Naatee der yiite tabitiiŋe, desanaaŋe Ibiliisa e malaykaaɓe mum!

Matiye 25:46

Den kamɓe, ɓe jahan der ɓillaare tabitiine, amma foonnitiiɓe heɓan yonki tabitiiki.»

Matiye 5:22

Amma min, mii wi'a on, jogoriiɗo banniraawo mum mone fu, hiitete. Bi'uɗo banniraawo mum: ‟A walaa hoore,” joomum yaarete yeeso hiitorde mawne. Bi'uɗo banniraawo mum ‟A haaŋa nun,” o wattete der yiite jahannama.

Marku 13:23

Onon kakkilee gam mi batii on ka diga ɗum waray taw.

Tesalonika Aranol 4:6

To goɗɗo mooɗon woofan bannun der haala kan, gam Joomiraawo yoɓan gaɗoowo boofi bonɗi iri ɗii ɗon. Men batii on ka diga ko ɓooyi, men tabbitini.

Iburaninkeeɓe 10:31

Yanugo e junŋo Alla yonkinteejo e hunnii puy!

Piyer Ɗiɗaɓol 2:4

Baa malaykaaɓe waɗunooɓe hakke, Alla accay ɗum, o haɓɓii ɓe e callalluuji, o faɗɗi der niwre jahannama, faa nyalaane darŋal.

Kollitinki 14:7

Oo bata e daane towne, oo wi'a: «Kulee Alla, teddinee mo, gam wakkati o hiitotoo warii. Cujidanee taguɗo kammu e leydi, e maayo, e ciiɓiije diyam!»

Kollitinki 15:4

Joomiraawo, moy woni mo hulataa ma? moy woni teddintaa inne maa? Gam an tan laatii Ceniiɗo. Lenyi fu waran sujida yeeso maa, gam ɓe ji'i no golle maa foonnitorii.»

Kollitinki 20:14

Maayde, e joonne maayɓe wattaa der maayo yiite. Maayo yiite ŋon woni maayde ɗiɗawre.