Luka 12:32 - Bible Fulfulde Bénin New Testament

³² «To on kulee onon koggel pettel! Gam *Baaba mon e woodi seyo hokkugo on laamaare mum.

Luka 12:32 ပူးပေါင်းရင်းမြစ်များ

Matiye 14:27

Ɗon maa ɗon Yeesu wi'i ɓe: «Deƴƴitee! Min nun, to on kulee!»

Matiye 20:16

Yeesu wi'i: «Hande non sakitiiɓe laatortoo ardiiɓe, ardiiɓe bo laatoo sakitiiɓe.»

Matiye 25:34

Den, laamiiɗo wi'an wonuɓe junŋo mum nyaamo: ‟Garee, onon ɓe *Baaba am barkiɗini, jaɓee donŋu laamaare ne ciriyanaɗon diga fuɗɗoode duuniyaaru.

Matiye 7:15

«Kakkilanee annabiiɓe fewrekuuɓe. Ɓe garan to mooɗon, ɓee ɓornii guri baali, amma der maɓɓe, ɓee laatii bu'i ladde bonuɗi.

Luka 10:21

Der wakkati mum, *Ruuhu Ceniiɗo hebbini Yeesu seyo, o wi'i: «*Baaba, Joomiraawo mo dow e ley, mi yettii maa gam a hollitii sukaaɓe ko cuuɗuɗaa wooduɓe faamu e annal. Oo, Baaba, ɗum laatake gam non non nun ɗum fottiran ma.

Yuhaana 18:36

Yeesu toontii: «Laamaare am, laamaare duuniyaaru bane. To ne laamaare duuniyaaru nun, maccuɓe am haɓanno gam to mi naatu juuɗe Yahuduuɓe. Amma jooni Laamaare am ne ɗo bane.»

Golle Lilaaɓe 20:28

Kakkilanee ko'e mooɗon, kakkilonon hoggo ŋo *Ruuhu Ceniiɗo yowani on, laatoɗon durooɓe eklesiya Alla ŋa o heɓiri e ƴiiƴam makko .

Golle Lilaaɓe 20:29

Mii anni ɓaawo am caafaali bonɗi naatan hakkune mooɗon, ɗi accataa hoggo.

Roma 6:23

Riiba hakke, maayde nun. Amma kokkal Alla laati nun yonki tabitiiki der kawtal men e Yeesu Almasiihu Joomiraawo meeɗen.

Korintu Aranol 1:21

Himɓe duuniyaaru nuu e faamu mum fu, annitay Alla no o holliti faamu makko. Ɗum laatake nun nun gam Alla e yiɗi hisingo goonɗinɓe ɗum fu diga e waaji amen ɗi woɓɓe daari haaŋaare.

Filippi 2:13

Gam Alla e hoore mum nun gollata der mooɗon, faa jiɗon ko weli mo, gaɗon ɗum bo.

Tesalonika Ɗiɗaɓol 1:11

Gam majjum emen du'anoo on wakkati fu. Emen eela Alla meeɗen laatina on fotuɓe noddoore ne o noddi on. Baawɗe makko hokka on semme hebbingo golle booɗuɗe ɗe jiɗuɗon waɗugo fu, gam on goonɗinii mo.

Tesalonika Ɗiɗaɓol 1:5

Tooraaji ɗin laati nun ko hollitinta kiita Alla poonnitiika, gam laatoɗon fotuɓe naatugo der *Laamaare Alla, ne gam mum tooreteɗon.

Iburaninkeeɓe 12:28

Gam majjum, no en keɓan laamu ŋu dimmataako, en jettee Alla, cujidanen mo no fottiri der kulol e tedduŋal.

Yaakuuba 2:5

Banniraaɓe am yiɗaaɓe, kettinee! Alla bane suɓi ɓe duuniyaaru daari talakaaɓe gam o hokka ɓe jawdi gooŋaari der goonɗinki, ɓe naata *Laamaare Alla ŋu o haɓɓani yiɗuɓe mo alkawru na?

Piyer Ɗiɗaɓol 1:11

Hande non Alla maɓɓitiranta on mammam dammugal *Laamaare tabitiine, ne Joomiraawo meeɗen Yeesu *Almasiihu kisinoowo en.

Kollitinki 1:6

O laatinii en laamiiɓe, e *Limaamiiɓe Alla baabiiko. Tedduŋal e Laamaare laatanoo mo, duuɓi duuɓaali. Aami.

Kollitinki 22:5

Jemma walaa ton kade, ɓe kaajataake jayŋol fitilla, e jayŋol naaŋe, gam Joomiraawo Alla laatoto jayŋol maɓɓe. Ɓe laamoto faa abada.