Luka 11:42 - Bible Fulfulde Bénin New Testament

⁴² Amma bone laatanto on onon *Farisaaɓe! Gam oon cutta jakka haakooji bi'eteeɗi maantu, e bi'eteeɗi ru, e kade haakooji nyaameteeɗi fu. Amma oon jeeboo foonnitaare e yidde Alla, kanjum haani gaɗon, amma to on jeebee bo koriiɗum.

Luka 11:42 ပူးပေါင်းရင်းမြစ်များ

Matiye 23:13

«Bone laatanto on, onon *moodiɓɓe tawreeta e *Farisaaɓe, munaafitiiɓe! gam oon maɓɓana himɓe dammugal *Laamaare Alla. Onon e ko'e mon on naatataa, on accay yiɗuɓe naatugo bo, naata. [

Matiye 23:23

Bone laatanto on, onon *moodiɓɓe tawreeta e *Farisaaɓe, munaafitiiɓe! Gam oon cutta jakka haakooji bi'eteeɗi maantu, e anisa, e kume, amma oon jeeboo ko ɓuri teddugo der tawreeta, kan woni foonnitaare, e enɗam, e goonɗinki. Amma to on jeebee ko horii.

Matiye 23:27

Bone laatanto on, onon *moodiɓɓe tawreeta e *Farisaaɓe, munaafitiiɓe! Gam oon nandi hande caabeeje dawninaaɗe. Yaasi majje e wooɗi, amma der e hebbi ƴiƴe maayuɓe, e huune ko soɓi fu.

Luka 18:12

Der asaweere fu, mii suumoo de ɗiɗi. Mii sutta jakka am der ko keɓumi fu.”

Yuhaana 5:42

amma mii anni on, mii anni yidde Alla walaa e mooɗon.

Yuhaana Aranol 4:20

Bi'uɗo e yiɗi Alla, go e wanyi banniraawo mum laati nun pewoowo. Gam mo yiɗay banniraawo mum ji'eteeɗo, waawataa ko yiɗi Alla mo yi'ataake.