Luka 11:41 - Bible Fulfulde Bénin New Testament

⁴¹ Kokkee talakaaɓe sadaka ko tawaa der ɓerɗe mooɗon, den ko horii laatanto on laaɓuɗum.

Luka 11:41 ပူးပေါင်းရင်းမြစ်များ

Matiye 26:11

Gam talakaaɓe e wondi e mooɗon wakkati fu. Amma min, mi wondataa e mooɗon wakkati fu.

Matiye 5:42

To goɗɗo eelii maa, hokku mo. To goɗɗo e yiɗi wuƴaago huune maa, taa haɗu mo ɗum.»

Marku 7:19

Gam ɗum naatay der ɓerne joomum, e reedu ɗum naati, kade bo ɗum wurtoto.» E haalaaji ɗin Yeesu seniri nyanduuji fu.

Luka 12:33

Cippee ko gooduɗon, cakkon talakaaɓe ceede mum, gaɗanee ko'e mooɗon suuɗirde ceede ne heennyataa, e jawdi ni heennyataa dow kammu. Ton, gujjo waawataa ko ɓattii, gilɗi bo waawataa ko biisi ni.

Luka 16:9

Yeesu ɓeydi wi'i ɓe: «Dartee weldiiɓe, dartiree ɓe jawdi duuniyaaru ni walaa gooŋaaku, gam jaɓɓeɗon der wurooji tabitiiɗi to jawdi mon heennyii.

Luka 18:22

No Yeesu nani ka wi'i mo: «Gootum tan jaccu maa, sippu jawdi maa fu, ceennanaa talakaaɓe ceede mum, den mum, a heɓan jawdi gonni der kammu, ɓaawo mum garaa tokkaa am.»

Luka 19:8

Jakee ummii darii yeeso Joomiraawo, wi'i: «Daa Joomiraawo, mi hokkan feccere jawdi am talakaaɓe, to mi ƴoyriino goɗɗo jaɓumi ceede mum, mi yoɓan ɗe joomum de naay.»

Golle Lilaaɓe 10:15

Daane nen wi'i mo kade: «Taa harmin ko Alla laaɓini.»

Golle Lilaaɓe 11:29

Goonɗinɓe haɓɓi anniya hawritingo ballal, moy fu no waawata, gam ɓe lilda banniraaɓe wonɓe Yahudiya.

Golle Lilaaɓe 24:17

Ɓaawo duuɓi ɗuuɗɗi gartumi gam mi waddana himɓe am dokkal, mi waɗa sadakaaji.

Korintu ɗiɗaɓol 8:12

To neɗɗo e yiɗi waɗugo geetum, Alla jaɓanan mo dow ko o woodi, hinaa dow ko o woodaa.

Efesu 4:28

Bujjannooɗo acca guyka mum, waɗa golle geete e semme ɓannu mum, gam heɓa ko wallirta wooduɓe haaje.

Titus 1:15

Huune fu e laaɓi to laaɓuɓe. Amma walaa ko laaɓi, to soɓuɓe e ɓe goonɗinay, gam hakkillo maɓɓe e cuuɗiiɗum ɓerne maɓɓe fu soɓii.

Iburaninkeeɓe 13:16

Amma to on jeggitee waɗugo ko wooɗi. Ballontiree, gam iri kiiseteeɗi ɗii ɗon nun Alla yiɗi.

Iburaninkeeɓe 6:10

Gam Alla laataaki mo fonnitaaki. O yeggitintaa gaɗu mon, e yidde ne kollitinɗon gam inne makko. On kollitii yidde nen e golle ɗe gaɗuɗon, e ɗe gaɗoton faa hanne gam himɓe Alla.

Yaakuuba 1:27

Diina laaɓuka, seniika yeeso Alla *Baaba meeɗen nani: Wallugo goonɗaaɓe e rewɓe talakaaɓe ɓe worɓe mum maayi, e reenugo hoore mum e tuuni duuniyaaru.