Luka 11:29 - Bible Fulfulde Bénin New Testament

²⁹ Jama'aare ɗuunne ummoy e hawritoo ley Yeesu, o etti haala, o wi'i ɓe: «Himɓe jaamanuuru hanne laati nun halluɓe, ɓee daarta holleego maane. Amma maane gom ɓe keɓataa ɗum, to hinaa ɗum Yonas.

Luka 11:29 ပူးပေါင်းရင်းမြစ်များ

Matiye 3:7

No o yi'i *Farisaaɓe e *Sadukiiɓe ɗuuɓɓe e wara waɗeego batisi, o wi'i ɓe: «Ɓiɓɓe bolle pure! Moy tintini on doggon mone Alla waroore?

Marku 8:38

Neɗɗo fu centuɗo am, e haala am yeeso hakkeeɓe ɓee ɗo, accuɓe Alla, min, *Ɓii neɗɗo bo, mi sentan joomum to mi wardii e malaykaaɓe seniiɓe der tedduŋal baaba am.»

Luka 11:16

Woɓɓe e yiɗi foonnugo mo, go ɓe ƴami mo o waɗa maane ƴiwune dow kammu.

Luka 11:50

Gam majjum, himɓe jaamanuuru hanne ƴamoyte ƴiiƴam annabiiɓe waraaɓe fu, diga duuniyaaru tagaa.

Luka 12:1

Wakkati mum himɓe uju ujuneeje hawriti faa ɓee jaaɓontira, go Yeesu fuɗɗi baddugo aahiiɓe mum aran wi'i: «Kakkilanee ƴufinirɗum *Farisaaɓe, kan woni munaafitaare maɓɓe.

Luka 9:41

Yeesu toontii wi'i: «Hey, onon ɓe galaa goonɗinki, oonyiiɓe, faa dey gondanmi e mooɗon, mii munyani on?» O wi'i gorko on: «Waddu ɗo ɓiɗɗo maa.»

Yuhaana 2:18

Den hooreeɓe *Yahuduuɓe wi'i mo: «Kaayeefi kiye gaɗataa ko kollaa men aa woodi laawol waɗugo nun nun.»

Yuhaana 6:30

Ɓe toontii mo, ɓe bi'i: «Kaayeefi kiye gaɗataa men ji'a, faa men goonɗinee? Ume gaɗataa?

Yuhaana 8:44

*Seyɗan woni baaba mooɗon. Jiɗaaɗi baaba mooɗon gaɗoton. Baroowo nun o laatii diga fuɗɗoode. O walaa der gooŋa, gam gooŋa walaa der makko. To oo bata fewre, jikku makko nun, gam oo pewoowo, oo baaba fewre.

Korintu Aranol 1:22

Gooŋa nun, *Yahuduuɓe e ƴama haaynaareeji, Yunaninkeeɓe bo e darta annal.