Luka 10:37 - Bible Fulfulde Bénin New Testament

³⁷ Moodibbo tawreeta toontii wi'i: «Gaɗanɗo mo moƴƴere on nun.» Yeesu wi'i mo: «Yahu an bo gaɗaa hande nun.»

Luka 10:37 ပူးပေါင်းရင်းမြစ်များ

Matiye 20:28

Hande non, *Ɓii neɗɗo waray gam jagganeego, amma, jagganaago himɓe waddi mo, o hokkitira yonki makko gam sooditaago ɗuuɓɓe.»

Matiye 23:23

Bone laatanto on, onon *moodiɓɓe tawreeta e *Farisaaɓe, munaafitiiɓe! Gam oon cutta jakka haakooji bi'eteeɗi maantu, e anisa, e kume, amma oon jeeboo ko ɓuri teddugo der tawreeta, kan woni foonnitaare, e enɗam, e goonɗinki. Amma to on jeebee ko horii.

Luka 10:36

Yeesu ɓeydi wi'i: «Der himɓe tato ɓen moy nun e jiiɗe maa laatii banniraawo gorko mo wuyɓe fiyi on?»

Luka 10:38

No Yeesu e Aahiiɓe mum yanti laawol, o naati der siire gom, go debbo bi'eteeɗo Marta weerni mo wuro mum.

Korintu ɗiɗaɓol 8:9

Oon anni moƴƴere Joomiraawo meeɗen Yeesu *Almasiihu. Kanko jom jawdiijo, o laatinii hoore makko talakaajo gam mooɗon, gam laatoɗon jom jawdiiɓe diga e talakaaku makko.

Efesu 5:2

Yidde ardanoo goonki mon, hande no ɗum laatii e *Almasiihu. O yiɗii en, faa o hokki yonki makko gam meeɗen. O laatake sadaka e kiisaaɗum pottanɗum Alla.

Piyer Aranol 2:21

gam kanjum Alla noddani on, *Almasiihu e hoore mum toorake, gam mooɗon bo o toorii. O hollii on laawol gam tokkon koyɗe makko.

Kollitinki 1:5

Ɗum laatanoo on bo diga e Yeesu *Almasiihu, ceedotooɗo koolaaɗo, artuɗo finti diga e maayɓe, laamiiɗo laamiiɓe duuniyaaru. Kanko yiɗi en, go o hisini en diga e hakkeeji men, e ƴiiƴam makko.