Luka 10:35 - Bible Fulfulde Bénin New Testament

³⁵ No weeti, o sutti ceede cardi ɗiɗi o hokki mawɗo nokkuure nen o wi'i mo: “Hiinna neɗɗo oo, to a nyaami ceede ɓuri nun, mi yoɓete to mii warta.” »

Luka 10:35 ပူးပေါင်းရင်းမြစ်များ

Matiye 18:28

No o wurtii, o fotti e banniraawo makko joganiiɗo mo ceede cardi hewre. O gattii mo, o ɗeɗɗi daane makko, o wi'i: ‟Yoɓam ceede am!”

Matiye 20:2

O nannantiri e gollotooɓe, o yoɓa ɓe nyalaane fu ceede cardi goote. Den o yaari ɓe gesa makko.

Luka 10:34

O ɓattii o moomi elanɗe makko nebbam e *innabojam, o haɓɓi ɗe, go o etti mo o ɓili dow ko o waɗɗii. O yaari mo der hoɗorde hoɓɓe, o hiinnii mo.

Luka 10:36

Yeesu ɓeydi wi'i: «Der himɓe tato ɓen moy nun e jiiɗe maa laatii banniraawo gorko mo wuyɓe fiyi on?»

Luka 14:13

Amma to a waɗii nyaamdu juulɗe, noddin talakaaɓe e moofiɗinɓe, e laƴooɓe e wumuɓe.

Roma 16:23

Gayus, beero am, e beero goonɗinɓe sannii on. Erastus cuuɗoowo ceede siire sannii on, e Kartus banniraawo meeɗen. [