Luka 1:78 - Bible Fulfulde Bénin New Testament

⁷⁸ Gam daliila enɗam Alla meeɗen mawɗam, o lildanaan en jayŋol makko manŋol diga dow.

Luka 1:78 ပူးပေါင်းရင်းမြစ်များ

Yuhaana 3:16

Gam Alla yiɗii duuniyaaru sanne faa hokki Ɓiɗɗo mum bajjo, gam goonɗinɗo mo fu to halku, amma heɓa yonki tabitiiki.

Efesu 5:14

Huune ko wurtii fu, laatoto jayŋol. Gam majjum acci e wi'ee: «Finu e ɗoyŋol maa, an ɗaaniiɗo! Umma hakkune maayɓe, *Almasiihu yaynante jayŋol mum.»

Filippi 1:8

Alla woni seedeejo am, mii yiɗi on on fu e yidde Yeesu Almasiihu.

Filippi 2:1

*Almasiihu deƴƴitinii ɓerɗe mooɗon, semmiɗini on der yidde, oon kawti e *Ruuhu, oon goodi yurmeene e enɗam, naa noy?

Koloosi 3:12

Alla suɓii on laatini on himɓe mum yiɗaaɓe. Gam majjum, goodee yurmeene mawne, e neɗɗaaku, e ɓuytugo hoore, e ɗiggere, e munyal.

Piyer Ɗiɗaɓol 1:19

Ɗum ɗon fu ɓeydanii men tabbitingo ko annabiiɓe batunoo. On gaɗii ko wooɗi no gattuɗon hakkillooji mooɗon dow makka, gam haala maɓɓe e nandi hande fitilleel jalboowel der niwre, e hande hoodere fajiri jalboore der ɓerɗe mooɗon faa de fajiri waɗi,

Yuhaana Aranol 3:17

To jom jawdiijo yi'ii banniraawo mum e talakiɗi, ko yurmaaki mo, noy yidde Alla waawirta ko woni e makko?

Kollitinki 22:16

Min Yeesu, mi lilii malaykaajo am, o seedoo kujje ɗe der eklesiyaaji. Min woni mo lenyol Dawda, e taaniiko, min woni hoodere fajiri jalboore!