Korintu ɗiɗaɓol 3:3 - Bible Fulfulde Bénin New Testament

³ E laaɓi, no on laati nun ɗerewol *Almasiihu ŋol golle amen winni. Ŋol winniraaka e dawa, amma e *Ruuhu Alla yonkinteejo. Ŋol winnaaka bo dow alluwaaje ɗe kaaƴe, amma der ɓerɗe mon.

Korintu ɗiɗaɓol 3:3 ပူးပေါင်းရင်းမြစ်များ

Matiye 16:16

Simon Piyer toontii mo, wi'i: «An woni *Almasiihu, *Ɓiɗɗo Alla yonkinteejo.»

Korintu Aranol 3:5

Moy nun Apollos laatii? Moy nun Pol laatii? Men laati nun gollantooɓe Alla, ɓe diga e muuɗum goonɗinɗon, jaka no Joomiraawo hokkiri moy maɓɓe fu.

Korintu ɗiɗaɓol 3:6

Kanko waɗi men fotuɓe gollanaago alkawal kesal. Alkawal ŋal daraaki dow sariya binnaaka, amma dow *Ruuhu Ceniiɗo. Gam sariya binnaaka e yaara himɓe to maayde, amma Ruuhu e hokka yonki.

Korintu ɗiɗaɓol 3:7

Sariya binnaaka e karfeeje dow alluwaaje kaaƴe yaari to maayde. Wakkati mum tedduŋal Alla hollitii. Den, yeeso Muusa gollantooɗo sariya kan e jalbitoo, faa himɓe Isira'iila waaway ko daari mo, sabbu tedduŋal ŋal, baa no ŋal ɓooyoowal bane. To sariya gaddoowa maayde e woodi tedduŋal hande ni,

Korintu ɗiɗaɓol 6:16

Kawtal ŋale woni hakkune suudu Alla e tooruuje? Enen nun laatii suudu Alla yonkinteejo, hande no o wi'i: «Mi jooɗoto caka maɓɓe, mi yahan caka maɓɓe, mi laatoo Alla maɓɓe, ɓe laatoo himɓe am.»

Tesalonika Aranol 1:9

E batee toy fu no jaɓɓoriiɗon men e no accirɗon tooruuje, baylitiɗon, tokkuɗon Alla mo yonki, gooŋaajo,

Iburaninkeeɓe 10:16

«Joomiraawo wi'i: Alkawal ŋal kaɓɓanmi e maɓɓe nani, ɓaawo nyalaaɗe ɗee, mi wattan sariyaaji am der ɓerɗe maɓɓe, mi winnan ɗi der hakkillo maɓɓe.»

Iburaninkeeɓe 8:10

O wi'i kade: Daa no alkawal ŋal kaɓɓanmi e himɓe Isira'iila laatoytoo ɓaawo nii: Mi wattan sariyaaji am der hakkillo maɓɓe, mi winnan ɗi der ɓerɗe maɓɓe, mi laatoto Alla maɓɓe, ɓe laatoo himɓe am.

Iburaninkeeɓe 9:14

To non, noy ƴiiƴam Almasiihu ɓurirtaa laaɓingo cuuɗiiɗum ɓerɗe meeɗen diga e golle mum baatuɗe? Gam e baawɗe *Ruuhu tabitiiɗo o hokkiri hoore makko Alla, o laatii sadaka kaa ɗo woodaa tuuni, heɓa gollanoɗen Alla mo yonki.

Kollitinki 2:1

«Winnan malaykaajo eklesiya Efesu, bi'aa: Nani haalaaji jogiiɗo koode jeeɗiɗi der junŋo mum nyaamo, jahoowo hakkune fitillaaji kanŋeeri jeeɗiɗi:

Kollitinki 2:12

"Winnan malaykaajo eklesiya Pergamu, bi'aa: Nani ɗo haalaaji jogiiɗo kaafahi ceeɓuki, ki beldiiji ɗiɗi:

Kollitinki 2:18

"Winnan malaykaajo eklesiya Tiyatira bi'aa: Nani ɗo haalaaji *Ɓiɗɗo Alla mo gite mum nandi hande ɗenŋal yiite, koyɗe makko e nandi hande janni boɗeeri.

Kollitinki 2:8

"Winnan malaykaajo eklesiya Samirna, bi'aa: Nani ɗo haalaaji ɗi bi'eteeɗo arano e sakitiineejo wi'i, kanko maayunooɗo ko finti.

Kollitinki 3:1

"Winnan malaykaajo eklesiya Sardis, bi'aa: Nani ɗo haalaaji gooduɗo ruuhuuji Alla jeeɗiɗi, e koode jeeɗiɗi: Mii anni golle maa, aa wi'ee aa buuruɗo, amma a maayɗo.

Kollitinki 3:14

"Winnan malaykaajo eklesiya Lawdikiya, bi'aa mo: Nani ɗo haalaaji bi'eteeɗo Aami, seedeejo koolaaɗo, e gooŋaajo, mo diga e mum Alla tagi huune fu.

Kollitinki 3:22

Gooduɗo noppi, nana ko *Ruuhu batata eklesiyaaji!»

Kollitinki 3:7

"Winnan malaykaajo eklesiya Filadelfiya, bi'aa: Nani ɗo haalaaji Ceniiɗo, Gooŋaajo, jogiiɗo maɓɓitirgel ŋel Dawda e junŋo mum. To o maɓɓitii goɗɗo maɓɓataa, to o maɓɓii bo, goɗɗo maɓɓitintaa.