Kollitinki 8:2 - Bible Fulfulde Bénin New Testament

² Den ji'umi malaykaaɓe jeeɗiɗo dariiɓe yeeso Alla, ɓe kokkaa galalɗi jeeɗiɗi puureteeɗi.

Kollitinki 8:2 ပူးပေါင်းရင်းမြစ်များ

Matiye 18:10

«Kakkilee, to on jawee baa gooten der sukahon petton kon. Gam mii wi'a on, *malaykaaɓe makkon, e darii wakkati fu, dow kammu e daara yeeso *Baaba am gonuɗo dow kammu. [

Matiye 24:31

Walaldu mawnu fuurete. O lilan malaykaaɓe makko der gooraaje leydi naay, lettugal e gorgal, soɓɓiire e hoore fuɗo, gam hawritingo suɓaaɓe makko wonuɓe der duuniyaaru fu.

Luka 1:19

Malaykaajo on toontii mo wi'i: «Min woni Jibiriila, dariiɗo yeeso Alla. Mi lilaama gam mi batee habaru belɗo oo.

Luka 21:36

Gam majjum to on ɗaane, du'ee wakkati fu, gam keɓon semme daɗugo huune ko warata fu, keɓon bo daraago yeeso *Ɓii neɗɗo.»

Korintu Aranol 15:52

der wakkati gooti, der maƴƴande itere, to rimmo walaldu sakitiinewol nanaama. To ŋol fuuraama, maayɓe artan finta e ɓannu ŋol nyolataa, enen horiiɓe en baylitinte.

Tesalonika Aranol 4:16

Gam to Joomiraawo umurii e semme, to daane mawɗo malaykaaɓe nanaama, walaldu Alla bo fuuraama, den Joomiraawo e hoore mum jippoyto diga kammu. Maayɓe goonɗinnooɓe *Almasiihu artan fintugo.

Kollitinki 1:4

Min Yuhaana nun winnani eklesiyaaji jeeɗiɗi tawaaɗi der leydi Asiya. Moƴƴere, e jam laatanoo on diga e Alla gonuɗo, e goonnooɗo, e garoowo. Ɗum laatanoo on diga e ruuhuuji jeeɗiɗi, gonuɗi yeeso kittaal *Laamaare makko.

Kollitinki 11:15

Malaykaajo jeeɗiɗaɓo fuuri walaldu mum. Den daaɗe towɗe nanaa dow kammu, e wi'a: «Baawɗe laamanaago duuniyaaru fu laatanike Joomiraawo meeɗen e *Almasiihu mum. O laamoto faa abada!»

Kollitinki 15:1

Ɓaawo mum, ji'umi maane gom dow kammu. Maane nen e mawni, nee hunnii bo. Den ji'umi malaykaaɓe jeeɗiɗo e jogii boneeji jeeɗiɗi. Kanji laatii boneeji cakitiiɗi ɗi mone Alla hebbirta.

Kollitinki 16:1

Den nanumi daane towne ƴiwoy diga suudu Alla, e wi'a malaykaaɓe jeeɗiɗo ɓen: «Jahee, deƴƴitee der duuniyaaru jarirkon mone Alla jeeɗiɗon!»

Kollitinki 8:13

Ɓaawo mum, ji'umi ciilal e fiira dow kammu. Den nanumi eŋal bata e daane towne, eŋal wi'a: «Kayto! Kayto! Bone woodani himɓe duuniyaaru to malaykaaɓe tato horiiɓe fuurii galalɗi mum!»

Kollitinki 8:6

Ɓaawo majjum, malaykaaɓe jeeɗiɗo jogiiɓe galalɗi jeeɗiɗi puureteeɗi, siryii fuurugo ɗi.

Kollitinki 9:1

Malaykaajo joyaɓo fuuri walaldu mum. Den ji'umi hoodere ƴiwi dow kammu yani e leydi. Ne hokkaa maɓɓitirgel ɓunnu lugguŋol ŋol walaa kaddi.