Kollitinki 7:17 - Bible Fulfulde Bénin New Testament

¹⁷ Gam Jawgiyel gonuŋel caka kittaal laamu duran ɓe. Ŋel yaaran ɓe to ciiɓiije diyam kokkoojam yonki. Alla moytan gonɗi gite maɓɓe fu.»

Kollitinki 7:17 ပူးပေါင်းရင်းမြစ်များ

Matiye 2:6

‟An, Baytilaama der leydi Yahudiya, a faanɗay caka ci'e Yahudiya mawɗe. Gam ardotooɗo ƴiwan diga e maa, kanko nun durata himɓe am Isira'iilaaɓe .”»

Matiye 5:4

Barke laatanii wullooɓe, ɓerɗe maɓɓe fewtinte!

Yuhaana 10:11

Min woni duroowo geeto. Duroowo geeto woni kokkitiroowo yonki mum gam baali mum.

Yuhaana 10:14

Min woni duroowo geeto. Mii anni baali am, baali am bo e annimmi.

Yuhaana 4:10

Yeesu toontii mo, wi'i: «To aa annunoo no dokkal Alla foti, e moy wi'i maa: “Hokkoram diyam, mi yara!” an nun eelatano mo, o hokkee diyam yonki.»

Yuhaana 4:11

Debbo on wi'i mo: «Moodibbo, a walaa cawgal. Ɓunnu nun bo e luggi. Toy keɓataa diyam yonki ɗam?

Yuhaana 4:14

amma jarɗo diyam ɗam kokkanmi ɗum, ɗonɗataake faa abada. Gam diyam kokkanmi ɗum, laatanto ɗum ɓuldude diyam kokkoojam yonki tabitiiki.»

Golle Lilaaɓe 20:28

Kakkilanee ko'e mooɗon, kakkilonon hoggo ŋo *Ruuhu Ceniiɗo yowani on, laatoɗon durooɓe eklesiya Alla ŋa o heɓiri e ƴiiƴam makko .

Piyer Aranol 5:2

Duree himɓe Alla ɓe jowanaɗon. To on gaɗee ɗum e doole, amma e ɓerɗe goote, hande no Alla yiɗiri, to on duree ɓe gam heɓugo joddi kalluni, amma gam oon jiɗi ɗum puy.

Kollitinki 14:4

Himɓe ɓen tuuninay ko'e mum e rewɓe, gam ɓe jogake ko'e maɓɓe ɓee laaɓi. Ɓee tokki *Jawgiyel to ŋel yahata fu. Kamɓe woni sooditaaɓe diga caka himɓe, gam ɓe laatoo arteteeɓe sakkee Alla e Jawgiyel.

Kollitinki 21:22

Mi yi'ay suudu Alla der wanŋarde nen, gam Joomiraawo Alla mo baawɗe, e *Jawgiyel nun laatii suudu Alla mayre.

Kollitinki 21:23

Wanŋarde nen bukaaka naaŋe, naa bo lewru yaynana ɗum, gam tedduŋal Alla yaynanta ne, Jawgiyel laatii fitilla mayre.

Kollitinki 21:4

O moytan gonɗi gite maɓɓe fu. Maayde, e bojji, e toora wonataako kade, gam kujje arandeeje fu yawtii.»

Kollitinki 21:6

O wi'immi kade, «Huune fu hebbii! Min woni arano, min woni sakitiineejo, min woni fuɗɗoode, e heennyitirde. Ɗonɗaaɗo fu, mi hokkan ɗum diyam yonki, o yoɓataa.

Kollitinki 22:1

Ɓaawo majjum, malaykaajo hollimmi maayo diyam yonki. Diyam ɗam e laaɓi hande daanorgal. Maayo ŋon e ƴiwa diga kittaal laamu Alla, e *Jawgiyel.

Kollitinki 4:11

«An Joomiraawo Alla amen, a fotii heɓugo tedduŋal, e manŋu, e baawɗe, gam an tagi kujje fu, e sago maa ɗe laatorii, e sago maa ɗe tagiraa.»

Kollitinki 5:6

Den ji'umi *Jawgiyel, eŋel nandi hande ŋel hiisaanoma. Jawgiyel ŋel e darii hakkune kittaal *Laamaare, e huune nayum yonkintejum, e *dottiiɓe. Eŋel woodi galalɗi jeeɗiɗi, e gite jeeɗiɗi, kanjum woni ruuhuuji Alla jeeɗiɗi, lilaaɗi der duuniyaaru fu.