Kollitinki 5:6 - Bible Fulfulde Bénin New Testament

⁶ Den ji'umi *Jawgiyel, eŋel nandi hande ŋel hiisaanoma. Jawgiyel ŋel e darii hakkune kittaal *Laamaare, e huune nayum yonkintejum, e *dottiiɓe. Eŋel woodi galalɗi jeeɗiɗi, e gite jeeɗiɗi, kanjum woni ruuhuuji Alla jeeɗiɗi, lilaaɗi der duuniyaaru fu.

Kollitinki 5:6 ပူးပေါင်းရင်းမြစ်များ

Luka 1:69

O waddanii en paabotooɗo mo semme der lenyol Dawda, jaggiiɗo makko,

Yuhaana 1:29

Fini mum, Yuhaana yi'i Yeesu e wara to mum, wi'i: «Nani *Jawgiyel Alla ikkinoowel hakkeeji duuniyaaru.

Yuhaana 1:36

O yi'i Yeesu e faloo, o wi'i: «Nani *Jawgiyel Alla!»

Golle Lilaaɓe 8:32

Daa aayaaje ɗe o janŋanno e dewtere nen: «Oo yaaree hande baala kiisoyteeŋa. hande jawgiyel deƴƴuŋel yeeso kesanɗo ɗum, Nunnun o jeeɗorii

Kollitinki 1:4

Min Yuhaana nun winnani eklesiyaaji jeeɗiɗi tawaaɗi der leydi Asiya. Moƴƴere, e jam laatanoo on diga e Alla gonuɗo, e goonnooɗo, e garoowo. Ɗum laatanoo on diga e ruuhuuji jeeɗiɗi, gonuɗi yeeso kittaal *Laamaare makko.

Kollitinki 12:11

Amma, ɓe jaalake mo gam daliila ƴiiƴam *Jawgiyel e gam haala seedaaku maɓɓe. Ɓe jiɗay yonki maɓɓe faa ɓe kula maayugo.

Kollitinki 13:8

Himɓe wonuɓe e duuniyaaru, ɓe inɗe mum winnaaka der dewtere yonki diga fuɗɗoode duuniyaaru, sujidanan bisaa ŋan. *Jawgiyel kiisanooŋel nun woodi dewtere nen.

Kollitinki 14:1

Den daarumi kade, go ji'umi *Jawgiyel e darii dow waanne Siyoona. Himɓe ujune hemure e lasoy ɗiɗo e nayo (144 000), e wondi e maggel. Inne maggel, e inne *Baaba maggel e winnaa dow tiiɗe maɓɓe.

Kollitinki 17:14

Ɓe kaɓan e *Jawgiyel, amma ŋel jaaloto ɓe, gam kanŋel laatii Joomiraawo joomiraaɓe, e Laamiiɗo laamiiɓe. Wonduɓe e maggel, laatiiɓe noddaaɓe, e suɓaaɓe, e hoolaaɓe, jaalodinto e maggel.»

Kollitinki 21:22

Mi yi'ay suudu Alla der wanŋarde nen, gam Joomiraawo Alla mo baawɗe, e *Jawgiyel nun laatii suudu Alla mayre.

Kollitinki 21:23

Wanŋarde nen bukaaka naaŋe, naa bo lewru yaynana ɗum, gam tedduŋal Alla yaynanta ne, Jawgiyel laatii fitilla mayre.

Kollitinki 22:1

Ɓaawo majjum, malaykaajo hollimmi maayo diyam yonki. Diyam ɗam e laaɓi hande daanorgal. Maayo ŋon e ƴiwa diga kittaal laamu Alla, e *Jawgiyel.

Kollitinki 22:3

Naaloore tawataake kade der siire nen. Kittaal laamu Alla e Jawgiyel wonoto der mayre, jaggiiɓe makko sujidanan mo.

Kollitinki 4:8

Huune yonkintejum nayum ɗum, gootum mum fu e woodi biyeeɗe jeego'o. Biyeeɗe ɗen e woodi gite der e yaasi. Jemma e nyalooma fu, eɗum wi'a: «Ceniiɗo, Ceniiɗo, Ceniiɗo, non Joomiraawo Alla mo baawɗe fu laatii. O na'onno, o na'on jooni, oo wara!»

Kollitinki 5:11

Mii daara, ko nanumi daaɗe malaykaaɓe ɗuuɓɓe, uju ujuneeje. Ɓe piiltitii kittaal laamu, e huune yonkintejum, e *dottiiɓe.

Kollitinki 5:12

Ɓee bata e daaɗe towɗe ɓee bi'a: «*Jawgiyel kiisanooŋel fotii heɓa baawɗe, e jawdi, e faamu, e semme, e manŋu, e tedduŋal, e maantooje!»

Kollitinki 5:13

Den nanumi ko tagaa fu, gonuɗum dow kammu, e dow leydi, e der leydi, e der maayo, e ko woni der majjum fu, e wi'a: «Maantoore, e manŋu, e tedduŋal, e baawɗe woodani jooɗiiɗo dow kittaal laamu, e Jawgiyel, faa abada!»

Kollitinki 5:14

Huune nayum yonkintejum ɗum, toontii, wi'i: «Aami!» *Dottiiɓe ɓen bo jiccii, sujidi.

Kollitinki 6:16

Ɓe darii ɓee bi'a baalle e kaaƴe: «Janee dow amen! Cuuɗee men e yeeso jooɗiiɗo dow kittaal laamu e mone Jawgiyel!