Kollitinki 5:14 - Bible Fulfulde Bénin New Testament

¹⁴ Huune nayum yonkintejum ɗum, toontii, wi'i: «Aami!» *Dottiiɓe ɓen bo jiccii, sujidi.

Kollitinki 5:14 ပူးပေါင်းရင်းမြစ်များ

Korintu Aranol 14:16

To hinaa nun, to aa yetta Alla e ruuhu, noy tawaaɗo caka hettiniiɓe, mo annaa ɗum, waawirta ko wi'i «aami» to a yettidii? Gam joomum nanataa ko batataa.

Kollitinki 19:4

*Dottiiɓe laso e nayo, e tagaaɗum nayum yonkintejum ɗum, jiccii sujidani Alla jooɗiiɗo dow kittaal laamu, e wi'a: "Aami! Aleluya!"

Kollitinki 4:4

Kittaaje laamu laso e naay e fiiltitii kittaal laamu ŋal. *Dottiiɓe laso e nayo e jooɗii dow majje, ɓee ɓornii kolte daneeje, ɓee mellii meetali kanŋeeri.

Kollitinki 4:6

Huune ko nandi e maayo e woni yeeso kittaal ŋal, e nandi e daanorgal laaɓuŋal tar. Kujje yonkinteeje naay e woni caka kittaal ŋal, e fiiltitii ŋal. Eɗe goodi gite ɗuuɗɗe yeeso e ɓaawo fu.

Kollitinki 5:11

Mii daara, ko nanumi daaɗe malaykaaɓe ɗuuɓɓe, uju ujuneeje. Ɓe piiltitii kittaal laamu, e huune yonkintejum, e *dottiiɓe.

Kollitinki 5:6

Den ji'umi *Jawgiyel, eŋel nandi hande ŋel hiisaanoma. Jawgiyel ŋel e darii hakkune kittaal *Laamaare, e huune nayum yonkintejum, e *dottiiɓe. Eŋel woodi galalɗi jeeɗiɗi, e gite jeeɗiɗi, kanjum woni ruuhuuji Alla jeeɗiɗi, lilaaɗi der duuniyaaru fu.

Kollitinki 5:8

No ŋel jaɓi ne, huune nayum yonkintejum, e dottiiɓe laso e nayo ɓen jiccii yeeso maggel. Moy maɓɓe fu e jogii moolooru, e jarirkon gaɗiraakon kanŋeeri, keewukon wardi. Kanjum laatii du'aaje himɓe Alla.

Kollitinki 7:12

Ɓee bi'a: «Aami! Maantoore, e tedduŋal, e faamu, e jettooje, e manŋu, e baawɗe, e semme woodani Alla meeɗen faa abada!»