Ɓee jima jimol Muusa, jaggiiɗo Alla, e ŋol *Jawgiyel, ɓee bi'a: «Joomiraawo Alla mo baawɗe, golle maa e mawni, e haayɗinii! Laabi maa e foortii, e laatii gooŋaaji, an laamaniiɗo leyɗeele!
Den nanumi ko tagaa fu, gonuɗum dow kammu, e dow leydi, e der leydi, e der maayo, e ko woni der majjum fu, e wi'a: «Maantoore, e manŋu, e tedduŋal, e baawɗe woodani jooɗiiɗo dow kittaal laamu, e Jawgiyel, faa abada!»
No ŋel jaɓi ne, huune nayum yonkintejum, e dottiiɓe laso e nayo ɓen jiccii yeeso maggel. Moy maɓɓe fu e jogii moolooru, e jarirkon gaɗiraakon kanŋeeri, keewukon wardi. Kanjum laatii du'aaje himɓe Alla.
Ɓee jima jimol kesol, ɓee bi'a der maggol: «An foti etta dewtere nen, takkitaa maaneeji mayre Gam a hiisaanoma, a sooditanike Alla himɓe e ƴiiƴam maa, diga lenyol fu, e ɗenŋal fu, himɓe fu, e diga leydi fu.