Kollitinki 4:11 - Bible Fulfulde Bénin New Testament

¹¹ «An Joomiraawo Alla amen, a fotii heɓugo tedduŋal, e manŋu, e baawɗe, gam an tagi kujje fu, e sago maa ɗe laatorii, e sago maa ɗe tagiraa.»

Kollitinki 4:11 ပူးပေါင်းရင်းမြစ်များ

Golle Lilaaɓe 14:15

Ɓee bi'a: «Onon worɓe, gam ume go oon gaɗa ɗum ɗo? Menen bo men himɓe nun hande mooɗon. Emen baajoo on *linjiila gam tuubon, accon gaɗuuji mon baanjaaji, bittoon e Alla buuruɗo, taguɗo kammu e leydi e maayo e ko woni e muuɗum fu.

Golle Lilaaɓe 17:24

Alla taguɗo duuniyaaru e ko woni e mayru fu, kanko woni joomun kammu e leydi, o jooɗataako der cuuɗi ɗi himɓe mahi.

Roma 11:36

Gam huune fu e makko ƴiwi, gam makko ɗum woni, kanko bo woodi ɗum. Tedduŋal laatanoo mo faa abada! Aami!

Efesu 3:9

Mi heɓii bo dokkal faamingo no Alla taguɗo huune fu hebbinirta ko o resuno o waɗa, cuuɗinooɗum diga den.

Iburaninkeeɓe 1:10

O wi'i kade: «Joomiraawo, diga fuɗɗoode, an tagi leydi, juuɗe maa tagi kammu.

Iburaninkeeɓe 1:2

Amma der nyalaaɗe cakittiiɗe ɗee ɗo, o baddii en diga e Ɓiyiiko. E makko Alla tagiri duuniyaaru e kammu. Kanko nun bo Alla suɓi laatoo donoowo huune fu.

Kollitinki 1:6

O laatinii en laamiiɓe, e *Limaamiiɓe Alla baabiiko. Tedduŋal e Laamaare laatanoo mo, duuɓi duuɓaali. Aami.

Kollitinki 10:6

O hunorii inne Alla, tabitiiɗo faa abada, taguɗo kammu e ko woni der mum, taguɗo leydi e ko woni der mayri, taguɗo maayo e ko woni der maggo. O wi'i: «Ɗum ɓooyataa kade!

Kollitinki 14:7

Oo bata e daane towne, oo wi'a: «Kulee Alla, teddinee mo, gam wakkati o hiitotoo warii. Cujidanee taguɗo kammu e leydi, e maayo, e ciiɓiije diyam!»

Kollitinki 19:1

Ɓaawo majjum, nanumi daane towne hande daane jama'aare ɗuunne dow kammu, e wi'a: "Aleluya ! Kisidam, e tedduŋal, e baawɗe laatanii Alla meeɗen.

Kollitinki 5:12

Ɓee bata e daaɗe towɗe ɓee bi'a: «*Jawgiyel kiisanooŋel fotii heɓa baawɗe, e jawdi, e faamu, e semme, e manŋu, e tedduŋal, e maantooje!»

Kollitinki 5:2

Den ji'umi malaykaajo semmenteejo gom e bata e daane towne, e wi'a: «Moy nun foti takkitingo maaneeji ɗin, den maɓɓita dewtere nen?»

Kollitinki 5:9

Ɓee jima jimol kesol, ɓee bi'a der maggol: «An foti etta dewtere nen, takkitaa maaneeji mayre Gam a hiisaanoma, a sooditanike Alla himɓe e ƴiiƴam maa, diga lenyol fu, e ɗenŋal fu, himɓe fu, e diga leydi fu.