Kollitinki 3:8 - Bible Fulfulde Bénin New Testament

⁸ Mii anni golle maa. Daaru, mi maɓɓitii dammugal yeeso maa ŋal goɗɗo waawataa ko maɓɓi. A woodaa baawɗe mawɗe, amma a jogake haala am, a yedday inne am.

Kollitinki 3:8 ပူးပေါင်းရင်းမြစ်များ

Luka 12:9

Amma bi'uɗo annaa am yeeso himɓe, Ɓii neɗɗo bo wi'an annaa joomum yeeso malaykaaɓe Alla.

Yuhaana 15:20

Ciwtoree ko bi'unoo mi on: ‟Maccuɗo ɓurataa joomum.” To ɓe toorii am, ɓe tooran on onon bo. To ɓe gollirii haala am, ɓe golliran haala mooɗon.

Yuhaana 17:6

Mi anninii inne maa himɓe duuniyaaru ɓe kalfinɗaa am. An ɓe gonannoo, a halfinii am ɓe. Ɓe jaɓi haala maa.

Golle Lilaaɓe 14:27

No ɓe jottii, ɓe kawriti eklesiya, ɓe bati ɓe ko Alla waɗi diga e maɓɓe fu, no o maɓɓitirani ɓe lenyi janani dammugal goonɗinki.

Korintu Aranol 16:9

gam laawol manŋol maɓɓitanake am mi waɗa golle am, baa no wayɓe bo e ɗuuɗi.

Korintu ɗiɗaɓol 2:12

No jottiimi Torowas gam mi waajoo *linjiila *Almasiihu, baa no Joomiraawo maɓɓitanii am laawol,

Filippi 4:13

Mi waawan ko waɗi huune fu, gam sabbu cemmiɗinoowo am.

Koloosi 4:3

Du'anee men menen bo, gam Alla maɓɓitana men laawol fiinugo haala mum, gam mi waawa ko waajii asiiri *Almasiihu. Sabbu majjum nun acci jooni, mii maɓɓaa der kasu.

Timote Aranol 5:8

Mo hiinnaaki getti wuro mum, accu du himɓe saare mum, joomum yeddii goonɗinki, oo ɓuri mo goonɗinay jaasugo.

Timote Ɗiɗaɓol 4:7

Mi haɓii hawre wooɗune, mi yottinii doggudu am, mii joggii goonɗinki.

Yahuuda 1:4

Gam himɓe halluɓe naati caka mooɗon e ƴoyre. Ɓee darta lelugo haala moƴƴere Alla men, gam ɓe nyaama goonki maɓɓe no ɓe pakkiri fu. Ɓee jedda Yeesu *Almasiihu laatiiɗo hooreejo meeɗen gooto, e Joomiraawo meeɗen. Dewte ceniiɗe bataniino halkere maɓɓe.

Kollitinki 2:13

Mii anni to jooɗiɗaa, ɗon nun laamorde *Seyɗan woni. Aa jogii inne am, a yedday goonɗingo am baa der wakkati Antipas seedeejo am koolaaɗo waraa caka mooɗon, to Seyɗan woni.

Kollitinki 2:2

Mii anni golle maa, e tinnaare maa, e munyal maa. Mii anni a munyantaa halluɓe, a foonnii wi'ooɓe e laatii lilaaɓe, amma ɓe laataaki ɗum, a tawii ɓe laati nun fewooɓe.

Kollitinki 22:7

Yeesu wi'i: "Kettinee, mii wara ɓooyataa!" Barke laatani ɗowtaniiɗo ko woni der dewtere annabaaku nee ɗo.

Kollitinki 3:1

"Winnan malaykaajo eklesiya Sardis, bi'aa: Nani ɗo haalaaji gooduɗo ruuhuuji Alla jeeɗiɗi, e koode jeeɗiɗi: Mii anni golle maa, aa wi'ee aa buuruɗo, amma a maayɗo.

Kollitinki 3:10

A jogake haala am, a munyii sanne. Gam majjum, min bo, mi reenete der wakkati ɓillaare garanoore duuniyaaru gam foonna himɓe.

Kollitinki 3:15

Mii anni golle maa, a wulaa a feewaa. Laata buluɗo, ɗum bo peewuɗo!

Kollitinki 3:7

"Winnan malaykaajo eklesiya Filadelfiya, bi'aa: Nani ɗo haalaaji Ceniiɗo, Gooŋaajo, jogiiɗo maɓɓitirgel ŋel Dawda e junŋo mum. To o maɓɓitii goɗɗo maɓɓataa, to o maɓɓii bo, goɗɗo maɓɓitintaa.