Kollitinki 3:21 - Bible Fulfulde Bénin New Testament

²¹ Jaaliiɗo fu, mi jooɗinan ɗum dow kittaal *Laamaare am, hande no jaaloriimi go jooɗodiimi e baaba am dow kittaal Laamaare mum.

Kollitinki 3:21 ပူးပေါင်းရင်းမြစ်များ

Matiye 19:28

Yeesu wi'i ɓe: «E gooŋa batanmi on, to huune fu laatinaama kesum, *Ɓii neɗɗo jooɗoto e kittaal laamaare tedduŋal makko. Den, onon sappo e ɗiɗo tokkuɓe am, on jooɗoto dow kittaaje sappo e ɗiɗi, kiitoɗon lenyi Isira'iilaaɓe sappo e ɗiɗi.

Matiye 25:21

Joomiiko wi'i mo: ‟Golle maa wooɗii sanne, an gollotooɗo geeto, koolaaɗo. No a laatike koolaaɗo e huune ko faanɗi, mi hokkete ko ɓuri ɗum mawnugo. War naatu ceyodoɗaa e am!”

Matiye 28:18

O ɓattii, o wi'i ɓe: «Mi hokkaama baawɗe dow kammu e leydi fu.

Luka 22:30

Den mum, on nyaaman, jaron, jooɗoɗon dow kittaal laamaare am, kiitoɗon lenyi Isira'iilaaɓe sappo e ɗiɗi.»

Yuhaana 13:32

[To Alla teddinaama sabbu makko,] Alla e hoore mum bo teddinan mo, baa ɓooyataa.

Yuhaana 16:33

Mi batii on ɗum, gam keɓon jam der kawtal mooɗon e am. Oon gonii e ɓillaare der duuniyaaru. Amma tinnee, gam mi jaalike duuniyaaru.»

Timote Ɗiɗaɓol 2:12

To en munyanii tooraaji, en laamodoto e makko bo, to en calike mo, kanko bo o saloto en.

Kollitinki 1:6

O laatinii en laamiiɓe, e *Limaamiiɓe Alla baabiiko. Tedduŋal e Laamaare laatanoo mo, duuɓi duuɓaali. Aami.

Kollitinki 12:11

Amma, ɓe jaalake mo gam daliila ƴiiƴam *Jawgiyel e gam haala seedaaku maɓɓe. Ɓe jiɗay yonki maɓɓe faa ɓe kula maayugo.

Kollitinki 17:14

Ɓe kaɓan e *Jawgiyel, amma ŋel jaaloto ɓe, gam kanŋel laatii Joomiraawo joomiraaɓe, e Laamiiɗo laamiiɓe. Wonduɓe e maggel, laatiiɓe noddaaɓe, e suɓaaɓe, e hoolaaɓe, jaalodinto e maggel.»

Kollitinki 2:7

Gooduɗo noppi fu, nana ko *Ruuhu batata eklesiyaaji! Jaaliiɗo fu, mi hokkan ɗum nyaama ɓiɓɓe leggal yonki gonuŋal der aljanna Alla.»

Kollitinki 20:4

Den ji'umi kittaaje laamu e jooɗiiɓe dow majje. Ɓe kokkaama baawɗe hiitaago. Den ji'umi yonkiiji ɓe ko'e mum wudditaa gam ɓe ceedanike Yeesu, e gam ɓe baajike haala Alla. Ɓe cujidanaay bo bisaa, e foto mum. Ɓe keɓay maane dow tiiɗe, ɗum bo e juuɗe maɓɓe. Ɓe pintii, ɓe laamodii e *Almasiihu duuɓi ujuneere.

Kollitinki 20:6

Barke e cenaaki woodani wonuɓe der pintol aranol! Maayde ɗiɗawre woodaa baawɗe dow maɓɓe. Ɓe laatanto Alla e Almasiihu *Limaamiiɓe, ɓe laamodoo e makko duuɓi ujuneere.

Kollitinki 5:10

A waɗii ɓe laamiiɓe, e *Limaamiiɓe Alla, gam ɓe laamanoo duuniyaaru.»

Kollitinki 6:2

No daarumi, go ji'umi puccu danewol. Baɗɗiiɗo ŋol e jogii biroogal, o hokkaa meetalol, o yawti hande jaalotooɗo gam o jaaloo bo.

Kollitinki 7:17

Gam Jawgiyel gonuŋel caka kittaal laamu duran ɓe. Ŋel yaaran ɓe to ciiɓiije diyam kokkoojam yonki. Alla moytan gonɗi gite maɓɓe fu.»