Kollitinki 3:1 - Bible Fulfulde Bénin New Testament

¹ "Winnan malaykaajo eklesiya Sardis, bi'aa: Nani ɗo haalaaji gooduɗo ruuhuuji Alla jeeɗiɗi, e koode jeeɗiɗi: Mii anni golle maa, aa wi'ee aa buuruɗo, amma a maayɗo.

Kollitinki 3:1 ပူးပေါင်းရင်းမြစ်များ

Luka 15:24

gam ɓiɗɗo am oo ɗo nandu nun hande maayunooɗo, go finti, o majjiino, amma o yiitaama. Ɓe puɗɗi seyaago.”

Luka 15:32

Gam majjum e haani gaɗen juulɗe, ceyoɗen, gam minya oo ɗo, nandu nun hande maayunooɗo ko finti, o majjiino, amma o yiitaama.”»

Yuhaana 1:16

E gonnan makko, en fu en keɓii moƴƴere dow moƴƴere.

Yuhaana 1:33

Min, mi annaano mo. Amma lilɗo am mi waɗa *batisi der diyam, kanko nun wi'immi: “Mo ji'oytaa Ruuhu e jippoo dow mum, kanko woni gaɗiroowo batisi e Ruuhu Ceniiɗo.”

Yuhaana 20:22

No o batunoo haalaaji ɗii, o fuufi dow maɓɓe, o wi'i: «Jaɓee *Ruuhu Ceniiɗo.

Yuhaana 3:34

Mo Alla lili, ko Alla bati nun o batata, gam Alla hebbinii mo *Ruuhu mum.

Golle Lilaaɓe 2:33

Nyaamo Alla ettii mo, teddinii mo, o heɓii e *Baaba *Ruuhu Ceniiɗo hande no alkawal mum haɓɓirano, o waanji mo e meeɗen. Jooni oon ji'a ɗum, oon nana ɗum.

Efesu 2:1

Onon, on maayiino gam boofi mooɗon e hakkeeji mooɗon.

Efesu 2:5

Gam majjum, enen maayunooɓe sabbu boofi men, o fintidinii en e *Almasiihu. E gooŋa, gam moƴƴere Alla kisuɗon.

Koloosi 2:13

Onon, on maayiino gam boofi mooɗon, e gam on juulnaaki. Amma Alla wuuridinii on e Almasiihu, yaafi boofi meeɗen fu.

Timote Aranol 5:6

Amma gowniijo daartoowo welwelo, laati nun maayɗo baa to emo foofa.

Yaakuuba 2:26

Hande no ɓannu nu walaa yonki laatorii maaynu, hande non bo goonɗinki ki walaa golle laatorii baakki.

Piyer Aranol 1:11

*Ruuhu *Almasiihu gonɗo der maɓɓe, hollii ɓe ɗum diga wakkati majjum waray, o sappake ɓe tooraaji Almasiihu, e tedduŋal ɗi ŋal waddata. Annabiiɓe ɓen dartii faamugo dey ɗum waɗata, e no ɗum waɗirta.

Yahuuda 1:12

Kamɓe woni e soɓina nyaamdu kawtal mooɗon. Ɓe galaa senteene, ɓee nyaama hande bisaaji. Ko'e maɓɓe tan ɓe paalaa. Ɓee nandi hande duule ɗe hennu ɓottata, ɗe galaa diyam. Ɓee nandi hande leɗɗe ceeɗu, ɗe galaa ɓikkol, e hande leɗɗe ɗoofaaɗe, yoori.

Kollitinki 1:11

Daane nen e wi'a: "Ko ji'ataa, winnu ɗum der ɗerewol, lildaa eklesiyaaji jeeɗiɗi ɗii ɗo: Efesu e Samirna e Pergamu e Tiyatira, e Sardis, e Filadelfiya e Lawdikiya."

Kollitinki 1:16

Oo jogii koode jeeɗiɗi e junŋo makko nyaamo. Kaafahi belki becce ɗiɗi e wurtoo diga e hunnuko makko. Yeeso makko e nandi hande naaŋe jalboowe caka nyalooma.

Kollitinki 1:20

Nani ɗo asiiri koode jeeɗiɗi ɗe ji'uɗaa der junŋo am nyaamo, e fitillaaji kanŋeeri jeeɗiɗi. Koode jeeɗiɗi, laatii malaykaaɓe eklesiyaaji jeeɗiɗi. Fitillaaji kanŋeeri jeeɗiɗi bo, laatii eklesiyaaji jeeɗiɗi.

Kollitinki 1:4

Min Yuhaana nun winnani eklesiyaaji jeeɗiɗi tawaaɗi der leydi Asiya. Moƴƴere, e jam laatanoo on diga e Alla gonuɗo, e goonnooɗo, e garoowo. Ɗum laatanoo on diga e ruuhuuji jeeɗiɗi, gonuɗi yeeso kittaal *Laamaare makko.

Kollitinki 2:13

Mii anni to jooɗiɗaa, ɗon nun laamorde *Seyɗan woni. Aa jogii inne am, a yedday goonɗingo am baa der wakkati Antipas seedeejo am koolaaɗo waraa caka mooɗon, to Seyɗan woni.

Kollitinki 2:19

Mii anni golle maa, e yidde maa, e goonɗinki maa, e ballal ŋal ballataa woɓɓe, e munyal maa. Mii anni golle maa cakitiiɗe e ɓuri arandeeje ɗuuɗugo.

Kollitinki 2:2

Mii anni golle maa, e tinnaare maa, e munyal maa. Mii anni a munyantaa halluɓe, a foonnii wi'ooɓe e laatii lilaaɓe, amma ɓe laataaki ɗum, a tawii ɓe laati nun fewooɓe.

Kollitinki 2:9

Mii anni toora maa, e talakaaku maa, baa no aa jom jawdiijo. Mii anni kalluka ka wi'ooɓe e laatii *Yahuduuɓe batata dow maa. Amma fewre, ɓe laati nun jama'aare saafooɓe *Seyɗan.

Kollitinki 3:15

Mii anni golle maa, a wulaa a feewaa. Laata buluɗo, ɗum bo peewuɗo!

Kollitinki 3:2

Waɗu hakkillo, semmiɗin ko faani waatugo, gam mi tawii golle maa hebbay yeeso Alla am.

Kollitinki 3:8

Mii anni golle maa. Daaru, mi maɓɓitii dammugal yeeso maa ŋal goɗɗo waawataa ko maɓɓi. A woodaa baawɗe mawɗe, amma a jogake haala am, a yedday inne am.

Kollitinki 4:5

Den maaƴƴe, e rimmo daaɗe towɗe, e diggaali, e wurtoo diga kittaal laamu ŋal. Fitillaaji jeeɗiɗi e huɓɓaa yeeso maggal, kanji woni ruuhuuji Alla jeeɗiɗi.

Kollitinki 5:6

Den ji'umi *Jawgiyel, eŋel nandi hande ŋel hiisaanoma. Jawgiyel ŋel e darii hakkune kittaal *Laamaare, e huune nayum yonkintejum, e *dottiiɓe. Eŋel woodi galalɗi jeeɗiɗi, e gite jeeɗiɗi, kanjum woni ruuhuuji Alla jeeɗiɗi, lilaaɗi der duuniyaaru fu.