Kollitinki 22:6 - Bible Fulfulde Bénin New Testament

⁶ Malaykaajo on wi'immi: "Haalaaji ɗii ɗo e laatii gooŋa, ɗii laatii kooliniiɗi bo. Alla Joomiraawo gattuɗo haala mum der annabiiɓe, lili malaykaajo mum gam o holla jeyaaɓe makko ko waroyta, ɓooyataa."

Kollitinki 22:6 ပူးပေါင်းရင်းမြစ်များ

Matiye 13:41

*Ɓii neɗɗo lilan malaykaaɓe mum, wurtina doƴƴooɓe himɓe der hakke, e waɗooɓe ko halli der laamaare mum.

Luka 1:70

hande no o batiri diga e kunnuɗe annabiiɓe makko seniiɓe diga den.

Luka 16:16

Tawreeta e annabiiɓe na'onno faa yotti wakkati Yuhaana gaɗoowo *batisi. Diga wakkati mum, *linjiila *Laamaare Alla e waajee, go moy fu e daarta e semme naatugo der laamaare nen.

Golle Lilaaɓe 12:11

Hakkillo Piyer wittoy, o wi'i: «Jooni mi annitii Joomiraawo lili malaykaajo muuɗum, o faaboo am e junŋo *Eroodu e ko *Yahuduuɓe yiɗuno mi waɗanee»

Golle Lilaaɓe 3:18

Amma, hande nun Alla hebbiniri ko o batunoo e hunnuko annabiiɓe mum fu o wi'i *Almasiihu makko tooroto.

Roma 1:2

Linjiila kan, Alla haɓɓiino alkawal mum diga ɗum ɓooyi diga e annabiiɓe mum, der Dewte ceniiɗe.

Korintu Aranol 14:32

Waɗooɓe annabaaku sey waawa ko jogii ko'e mum,

Korintu Aranol 7:29

Banniraaɓe, ko jiɗum batugo on nani: Wakkati juutaa, gam majjum, ɓaŋuɓe laatoo hande ɓe ɓaŋay,

Tesalonika Ɗiɗaɓol 1:7

Onon toorootooɓe, o hokkan on siwtaare e amen. Ɗum laatoto to Joomiraawo meeɗen Yeesu gonuɗo dow kammu suppitoyke e malaykaaɓe mum ɓe baawɗe.

Iburaninkeeɓe 12:9

Ciwtoren no baabiraaɓe meeɗen ɓe duuniyaaru ɗo e elta en, een ɗowtanii ɓe bo. Ume haɗata en ɗowtanaago Baaba men mo dow kammu, gam buuren?

Piyer Ɗiɗaɓol 1:21

Hande non, walaa mo meeɗi ko heɓi haala annabaaku e sago hoore mum, amma *Ruuhu Ceniiɗo nun waɗata himɓe e bata haala Alla.

Piyer Ɗiɗaɓol 3:2

Ciwtoree haalaaji ɗi annabiiɓe seniiɓe batunoo diga ko ɓooyi, e umuroore Joomiraawo meeɗen kisinoowo, ne lilaaɓe mon annini on.

Kollitinki 1:1

Dewtere nee ɗo, e batana haalaaji asiiri ko Yeesu *Almasiihu holliti. Alla hollii mo ɗum, gam o holla gollotooɓe makko ko waroyta, ɓooyataa. Yeesu Almasiihu lilii malaykaajo mum gam o annina ɗum Yuhaana, maccuɗo makko.

Kollitinki 18:20

Kammu, seya gam kalkol mayre! Onon himɓe Alla e lilaaɓe, e annabiiɓe, ceyee onon bo! Gam Alla hiitake ne ko ne waɗani on!»

Kollitinki 19:9

Malaykaajo wi'immi: "Winnu: ‟Barke woodani noddinaaɓe nyaamɗe teegal *Jawgiyel!" O wi'immi kade: "Haala Alla gooŋaha ka o bati nun ɗon."

Kollitinki 21:5

Jooɗiiɗo dow kittaal laamu wi'i: «Mi waɗan huune fu laatoo kesum!» O wi'i: «Winnu haalaaji ɗii, gam ɗi laati nun gooŋaaji, kooliniiɗi.»

Kollitinki 21:9

Ɓaawo majjum, gooto der malaykaaɓe jeeɗiɗo jogiinooɓe jarirkon jeeɗiɗon kebbukon boneeji jeeɗiɗi cakitiiɗi, wari, baddimmi wi'i: «War mi hollee jommanjo debbo, debbo *Jawgiyel.»

Kollitinki 22:1

Ɓaawo majjum, malaykaajo hollimmi maayo diyam yonki. Diyam ɗam e laaɓi hande daanorgal. Maayo ŋon e ƴiwa diga kittaal laamu Alla, e *Jawgiyel.

Kollitinki 22:16

Min Yeesu, mi lilii malaykaajo am, o seedoo kujje ɗe der eklesiyaaji. Min woni mo lenyol Dawda, e taaniiko, min woni hoodere fajiri jalboore!

Kollitinki 22:7

Yeesu wi'i: "Kettinee, mii wara ɓooyataa!" Barke laatani ɗowtaniiɗo ko woni der dewtere annabaaku nee ɗo.

Kollitinki 4:1

Ɓaawo majjum, ji'umi dammugal gom e maɓɓitii dow kammu. Daane ne nanunoomi e baddammi arande, nandune e galalɗi puureteeɗi, wi'immi: "Eencu ɗo, mi hollee ko waroyta yeeso."