Kollitinki 22:20 - Bible Fulfulde Bénin New Testament

²⁰ Ceediiɗo kujje ɗee wi'i: ''E gooŋa, mii wara, ɓooyataa!'' Aami! War Yeesu Joomiraawo!

Kollitinki 22:20 ပူးပေါင်းရင်းမြစ်များ

Yuhaana 21:25

Yeesu waɗii kujje goɗɗe ɗuuɗɗe kade: To ɗe binnaanoma gootel, gootel, mii miila duuniyaaru nuu waawataano jaɓidingo dewte binnoytenooɗe.

Korintu Aranol 16:22

Neɗɗo fu mo yiɗaa Joomiraawo, o naalaaɗo! Maranata, yaa Joomiraawo Yeesu, war!

Timote Ɗiɗaɓol 4:8

Diga jooni, Joomiraawo kiitotooɗo e gooŋaaku, e resanimmi riiba kokketeeka poonnitiiɗo nyaanne darŋal. Min tan bane hokketee ka. Amma, min e hettiniiɓe, yiɗuɓe wittoygo makko fu, o hokkata ka.

Iburaninkeeɓe 10:37

E winnii der Dewtere: «Ɗo e yeeso seɗɗa, seɗɗa tan horii kaanuɗo wara, waran, o ɓooyataa.

Iburaninkeeɓe 9:28

Hande non bo, Almasiihu sakkii hoore mum de woore tan gam o ikkina hakkeeji himɓe ɗuuɓɓe. O suppitoyto de ɗiɗawre, hinaa gam hakke, amma gam o hisina hettiniiɓe mo.

Kollitinki 1:18

min woni buuruɗo. Mi maayiino, amma jooni mii wuuri faa abada. Mii woodi baawɗe dow maayde e dow joonne maayɓe.

Kollitinki 1:2

Yuhaana seedake ko o yi'i fu, o batii haala Alla, o seedii ko Yeesu Almasiihu holliti.

Kollitinki 2:16

Gam majjum tuubu, to hinaa nun, ɓooyataa, mi waran to maa, mi haɓidan ɓe e kaafahi gonuki e hunnuko am.

Kollitinki 22:10

O wi'immi kade: "Taa suuɗu haalaaji annabaaku gonuɗi der dewtere nee ɗo, gam wakkati ɓadake.

Kollitinki 22:12

Yeesu wi'i: "Kettinee, mii wara, ɓooyataa. Mi waddan barjaari gam mi warjoo moy fu deydey golle mum.

Kollitinki 22:18

Min, Yuhaana, mii bata moy fu, nanuɗo haala annabaaku gonuka der dewtere nee ɗo hakkila. To goɗɗo ɓeydii goɗɗum dow kujje ɗee, Alla ɓeydanan joomum boneeji batanaaɗi der mayre.

Kollitinki 22:7

Yeesu wi'i: "Kettinee, mii wara ɓooyataa!" Barke laatani ɗowtaniiɗo ko woni der dewtere annabaaku nee ɗo.