Kollitinki 21:3 - Bible Fulfulde Bénin New Testament

³ Mi nanii daane towne diga to kittaal laamu, e wi'a: «Jooɗorde Alla caka himɓe nani, o wonoto e maɓɓe, ɓe laatoo himɓe makko, Alla e hoore mum wondan e maɓɓe.

Kollitinki 21:3 ပူးပေါင်းရင်းမြစ်များ

Yuhaana 1:14

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

Yuhaana 14:23

Yeesu toontii mo: «To goɗɗo e yiɗi am, o golliran haala am, *Baaba am yiɗan mo. Min e Baaba men garda to makko, men jooɗodo e makko.

Korintu ɗiɗaɓol 6:16

Kawtal ŋale woni hakkune suudu Alla e tooruuje? Enen nun laatii suudu Alla yonkinteejo, hande no o wi'i: «Mi jooɗoto caka maɓɓe, mi yahan caka maɓɓe, mi laatoo Alla maɓɓe, ɓe laatoo himɓe am.»

Korintu ɗiɗaɓol 6:18

Mi laatanto on *Baaba, Onon bo on laatanto am ɓiɓɓe worɓe e rewɓe.» Joomiraawo Jom baawɗe bati ka .

Tesalonika Aranol 3:11

Alla *Baaba men e hoore mum, e Joomiraawo meeɗen Yeesu, maɓɓitana men laawol yi'ugo on.

Iburaninkeeɓe 11:16

Amma leydi ɓuruni wooɗugo ɓe jiɗi, leydi gonuni dow kammu. Gam majjum senteene waɗay Alla o noddee Alla maɓɓe, gam oo siriyanii ɓe wanŋarde.

Iburaninkeeɓe 8:10

O wi'i kade: Daa no alkawal ŋal kaɓɓanmi e himɓe Isira'iila laatoytoo ɓaawo nii: Mi wattan sariyaaji am der hakkillo maɓɓe, mi winnan ɗi der ɓerɗe maɓɓe, mi laatoto Alla maɓɓe, ɓe laatoo himɓe am.

Iburaninkeeɓe 8:2

Kanko nun gollotoo der nokkuure ceniine, der bukaaru gooŋaaru nu Joomiraawo darini, hinaa neɗɗo.

Kollitinki 10:4

No palmaali jeeɗiɗi ɗin batidi, ko ciriyiimi mi winna. Amma nanumi daane gom ƴiwi diga dow kammu, wi'immi: «Suuɗu ko palmaali jeeɗiɗi ɗin wi'i, taa winnu ka!»

Kollitinki 10:8

Den daane ne nanunoomi, ƴiwoyne diga dow kammu, wi'immi kade: «Yahu ettu dewtel maɓɓitiiŋel, gonuŋel der junŋo malaykaajo dariiɗo dow maayo e dow leydi.»

Kollitinki 12:10

Den nanumi daane towne diga dow kammu, e wi'a: «Jooni, kisidam, e semme, e *Laamaare Alla meeɗen, e baawɗe *Almasiihu makko warii. Gam gaccotooɗo banniraaɓe meeɗen, to Alla jemma e nyalooma fu riiwaama diga dow kammu.

Kollitinki 21:7

Jaaliiɗo heɓan huune ɗum fu, mi laatoto Alla makko, o laatoo ɓiɗɗo am.

Kollitinki 22:3

Naaloore tawataake kade der siire nen. Kittaal laamu Alla e Jawgiyel wonoto der mayre, jaggiiɓe makko sujidanan mo.

Kollitinki 7:15

Gam majjum ɓe gonii yeeso kittaal laamu Alla. Ɓee cujidana mo jemma e nyalooma der suudu Alla makko ceniinu. Jooɗiiɗo dow kittaal laamu reenan ɓe.