Kollitinki 21:23 - Bible Fulfulde Bénin New Testament

²³ Wanŋarde nen bukaaka naaŋe, naa bo lewru yaynana ɗum, gam tedduŋal Alla yaynanta ne, Jawgiyel laatii fitilla mayre.

Kollitinki 21:23 ပူးပေါင်းရင်းမြစ်များ

Matiye 16:27

Gam *Ɓii neɗɗo waran e tedduŋal *Baaba mum, e *malaykaaɓe mum. Den o yoɓan moy fu ko waɗi der golle mum.

Marku 8:38

Neɗɗo fu centuɗo am, e haala am yeeso hakkeeɓe ɓee ɗo, accuɓe Alla, min, *Ɓii neɗɗo bo, mi sentan joomum to mi wardii e malaykaaɓe seniiɓe der tedduŋal baaba am.»

Luka 2:32

Kanjam laatii jayŋol jaynanoowol himɓe ɓe lenyi janani. Ɗam teddinan bo himɓe Isira'iila.»

Yuhaana 1:14

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

Yuhaana 1:18

Goɗɗo yi'ay Alla abada, amma Ɓiɗɗo bajjo, laatiiɗo Alla, gonduɗo e *Baaba nun annini en Alla.

Yuhaana 1:4

Yonki ƴiwii e makko, yonki kin laatanii himɓe jayŋol.

Yuhaana 1:9

Kanŋol woni jayŋol gooŋawol, garuŋol e duuniyaaru gam yaynana himɓe fu.

Yuhaana 17:24

*Baaba, mii yiɗi ɓe kalfinɗaa am ɓee, tawdee e am nokkuure to tawaami, gam ɓe ji'a tedduŋal ŋal kokkuɗaa am, gam a yiɗii am diga duuniyaaru diidaaka.

Yuhaana 5:23

gam himɓe fu teddina Ɓiɗɗo hande no teddiniri Baaba. Neɗɗo fu mo teddinay Ɓiɗɗo, teddinay Baaba liloyɗo mo.

Golle Lilaaɓe 22:11

Semme jayŋol acci mi yi'ay, wonduɓe e am nun jogii am e junŋo faa Damas.

Kollitinki 14:4

Himɓe ɓen tuuninay ko'e mum e rewɓe, gam ɓe jogake ko'e maɓɓe ɓee laaɓi. Ɓee tokki *Jawgiyel to ŋel yahata fu. Kamɓe woni sooditaaɓe diga caka himɓe, gam ɓe laatoo arteteeɓe sakkee Alla e Jawgiyel.

Kollitinki 18:1

Ɓaawo majjum, ji'umi malaykaajo gom kade e jippoo diga dow kammu. Oo woodi baawɗe mawɗe, tedduŋal makko yayni e duuniyaaru fu.

Kollitinki 21:11

Tedduŋal Alla e woni der mayre. Nee jalba hande hayre rimre, e hande hayre wi'eteene yaspa, laaɓune hande daanorgal.

Kollitinki 21:25

Dammuɗe mayre maɓɓataako nyalooma, gam jemma walaa der mayre.

Kollitinki 22:5

Jemma walaa ton kade, ɓe kaajataake jayŋol fitilla, e jayŋol naaŋe, gam Joomiraawo Alla laatoto jayŋol maɓɓe. Ɓe laamoto faa abada.

Kollitinki 5:6

Den ji'umi *Jawgiyel, eŋel nandi hande ŋel hiisaanoma. Jawgiyel ŋel e darii hakkune kittaal *Laamaare, e huune nayum yonkintejum, e *dottiiɓe. Eŋel woodi galalɗi jeeɗiɗi, e gite jeeɗiɗi, kanjum woni ruuhuuji Alla jeeɗiɗi, lilaaɗi der duuniyaaru fu.

Kollitinki 7:17

Gam Jawgiyel gonuŋel caka kittaal laamu duran ɓe. Ŋel yaaran ɓe to ciiɓiije diyam kokkoojam yonki. Alla moytan gonɗi gite maɓɓe fu.»