Kollitinki 21:22 - Bible Fulfulde Bénin New Testament

²² Mi yi'ay suudu Alla der wanŋarde nen, gam Joomiraawo Alla mo baawɗe, e *Jawgiyel nun laatii suudu Alla mayre.

Kollitinki 21:22 ပူးပေါင်းရင်းမြစ်များ

Matiye 24:2

Den, o wi'i ɓe: «On ji'i huune ɗum fu na?» E gooŋa batanmi on: «Baa hayre yowataako dow wonne, ɗum fu, ɗum pusete.»

Yuhaana 10:30

Min e Baaba fu, men gooto.»

Yuhaana 13:32

[To Alla teddinaama sabbu makko,] Alla e hoore mum bo teddinan mo, baa ɓooyataa.

Yuhaana 4:21

Yeesu wi'i mo: «Banniraawo debbo, hoola ko batan maa mi. Wakkati e wara, dow waanne nee ɗo bane, *Urusaliima bo bane caafoton *Baaba.

Yuhaana 4:23

Amma wakkati e wara, ki yottike du, de saafooɓe gooŋakuuɓe saafirta Baaba e ruuhu e gooŋa. Iri saafooɓe ɓee ɗon nun Baaba daartata.

Koloosi 1:19

Gam ɗum fottanii Alla ko woni der mum fu wonoo der Almasiihu.

Koloosi 2:9

Gam ko woni der Alla fu e yi'oo der ɓannu Almasiihu.

Kollitinki 1:8

Joomiraawo Alla, gonuɗo, e gonnooɗo, e garoowo, mo baawɗe wi'i: "Min woni arano, min woni sakitiineejo."

Kollitinki 11:17

ɓee bi'a: «Joomiraawo Alla, mo baawɗe, An gonuɗo naane, e jooni, men jettii maa, gam a gollirii baawɗe maa mawɗe, a tabbitinii laamu maa.

Kollitinki 14:4

Himɓe ɓen tuuninay ko'e mum e rewɓe, gam ɓe jogake ko'e maɓɓe ɓee laaɓi. Ɓee tokki *Jawgiyel to ŋel yahata fu. Kamɓe woni sooditaaɓe diga caka himɓe, gam ɓe laatoo arteteeɓe sakkee Alla e Jawgiyel.

Kollitinki 15:3

Ɓee jima jimol Muusa, jaggiiɗo Alla, e ŋol *Jawgiyel, ɓee bi'a: «Joomiraawo Alla mo baawɗe, golle maa e mawni, e haayɗinii! Laabi maa e foortii, e laatii gooŋaaji, an laamaniiɗo leyɗeele!

Kollitinki 16:14

Ginnaaji ɗin ƴiwii e *Seyɗan. Ɗii gaɗa maaneeji, ɗii jaha to laamiiɓe duuniyaaru fu, ɗii kawrita ɓe gam ɓe kaɓa konu nyalaane darŋal, nyalaane Alla mo baawɗe.

Kollitinki 16:7

Den nanumi daane ƴiwi diga hiisirde, e wi'a: «Gooŋa! Joomiraawo Alla mo baawɗe, sariyaaji maa e laatii gooŋaaji, ɗii laatii poonnitiiɗi!»

Kollitinki 19:15

Kaafahi belki e wurtoo diga e hunnuko makko. Kanki o jaalortoo himɓe. O laamoranto ɓe e sawru janni. O ɓiɗɗan *innabooje der ɓiɗɗirde mone Alla mawne, laatiiɗo mo baawɗe.

Kollitinki 4:8

Huune yonkintejum nayum ɗum, gootum mum fu e woodi biyeeɗe jeego'o. Biyeeɗe ɗen e woodi gite der e yaasi. Jemma e nyalooma fu, eɗum wi'a: «Ceniiɗo, Ceniiɗo, Ceniiɗo, non Joomiraawo Alla mo baawɗe fu laatii. O na'onno, o na'on jooni, oo wara!»

Kollitinki 5:6

Den ji'umi *Jawgiyel, eŋel nandi hande ŋel hiisaanoma. Jawgiyel ŋel e darii hakkune kittaal *Laamaare, e huune nayum yonkintejum, e *dottiiɓe. Eŋel woodi galalɗi jeeɗiɗi, e gite jeeɗiɗi, kanjum woni ruuhuuji Alla jeeɗiɗi, lilaaɗi der duuniyaaru fu.

Kollitinki 7:15

Gam majjum ɓe gonii yeeso kittaal laamu Alla. Ɓee cujidana mo jemma e nyalooma der suudu Alla makko ceniinu. Jooɗiiɗo dow kittaal laamu reenan ɓe.

Kollitinki 7:17

Gam Jawgiyel gonuŋel caka kittaal laamu duran ɓe. Ŋel yaaran ɓe to ciiɓiije diyam kokkoojam yonki. Alla moytan gonɗi gite maɓɓe fu.»