Kollitinki 20:6 - Bible Fulfulde Bénin New Testament

⁶ Barke e cenaaki woodani wonuɓe der pintol aranol! Maayde ɗiɗawre woodaa baawɗe dow maɓɓe. Ɓe laatanto Alla e Almasiihu *Limaamiiɓe, ɓe laamodoo e makko duuɓi ujuneere.

Kollitinki 20:6 ပူးပေါင်းရင်းမြစ်များ

Luka 14:15

Gooto der jooɗodiiɓe e Yeesu gam ɓe nyaama, no nani haalaaji ɗin wi'i: «Barke laatanii nyaamoowo nyaamdu mum der *Laamaare Alla!»

Roma 12:1

Banniraaɓe, mii eela on sabbu enɗam Alla. Kokkee mo ko'e mooɗon hande sadaka yonkinteha, ceniika, pottananka Alla. Kanjum woni sujida gooŋaha, kaanuka caafiron Alla.

Roma 8:17

To een laatii ɓiɓɓe Alla, en donan ko Alla resani himɓe mum. En donidan ɗum e *Almasiihu. To en toorodike e makko, en donidan bo tedduŋal e makko.

Timote Ɗiɗaɓol 2:12

To en munyanii tooraaji, en laamodoto e makko bo, to en calike mo, kanko bo o saloto en.

Piyer Aranol 2:5

Onon bo, on laati nun hande kaaƴe ɗe yonki, garee mahireɗon suudu ruuhunkewol, gam laatoɗon waalde *limaamiiɓe seniiɓe, yaaranooɓe Alla sadakaaji ruuhunkeeji ɗi o jaɓata diga e Yeesu *Almasiihu.

Piyer Aranol 2:9

Amma onon, on laati nun lenyol cuɓaaŋol, on limaamiiɓe gollantooɓe Laamiiɗo, on himɓe lenyol ceniiŋol, on himɓe ɓe o suɓani hoore makko, gam baajoɗon haala golle makko geete. Kanko woni nodduɗo on, wurtini on der niwre, yaari on der jaygol mum kayniiŋol.

Kollitinki 1:6

O laatinii en laamiiɓe, e *Limaamiiɓe Alla baabiiko. Tedduŋal e Laamaare laatanoo mo, duuɓi duuɓaali. Aami.

Kollitinki 14:13

Den, nanumi daane diga dow kammu, e wi'a: «Winnu kaa ɗo: “Diga jooni, barke woodani maayuɓe go e hawti e Joomiraawo.” *Ruuhu e wi'a: “Gooŋa nun! Ɓe ciwtoto e golle maɓɓe, gam golle maɓɓe tokkan ɓe.”»

Kollitinki 2:11

Gooduɗo noppi, nana ko *Ruuhu batata eklesiyaaji! Jaaliiɗo, maayde ɗiɗawre meemataa ɗum."

Kollitinki 20:14

Maayde, e joonne maayɓe wattaa der maayo yiite. Maayo yiite ŋon woni maayde ɗiɗawre.

Kollitinki 21:8

Amma hulhulɓe, e ɓe walaa goonɗinki, e soɓuɓe, e warooɓe himɓe, e jeenooɓe, e waɗooɓe dobo dobooje, e saafooɓe tooruuje, e fewooɓe fu, maayo yiite kuɓɓoowe e kibiriita nun woni geɗu maɓɓe. Kanjum woni maayde ɗiɗawre.»

Kollitinki 22:5

Jemma walaa ton kade, ɓe kaajataake jayŋol fitilla, e jayŋol naaŋe, gam Joomiraawo Alla laatoto jayŋol maɓɓe. Ɓe laamoto faa abada.

Kollitinki 22:7

Yeesu wi'i: "Kettinee, mii wara ɓooyataa!" Barke laatani ɗowtaniiɗo ko woni der dewtere annabaaku nee ɗo.

Kollitinki 3:21

Jaaliiɗo fu, mi jooɗinan ɗum dow kittaal *Laamaare am, hande no jaaloriimi go jooɗodiimi e baaba am dow kittaal Laamaare mum.

Kollitinki 5:10

A waɗii ɓe laamiiɓe, e *Limaamiiɓe Alla, gam ɓe laamanoo duuniyaaru.»